The Bible

1

Eisht dreggyr Eliphaz yn Temanite as dooyrt eh,

Then answered Eliphaz the Temanite, and said,

2

Vel dooinney creeney dy loayrt goan fardalagh, as lhieeney e chleeau lesh y gheay-niar?

Should a wise man utter vain knowledge, and fill his belly with the east wind?

3

Vel eh dy phleadeil lesh taggloo gyn ymmyd; as lesh goan nagh vel gys foays erbee?

Should he reason with unprofitable talk? or with speeches wherewith he can do no good?

4

Dy feer, t'ou scarrey rish aggle, as lhiettal padjer fenish Yee.

Yea, thou castest off fear, and restrainest prayer before God.

5

Son ta dty veeal hene fockley magh dty vee-chairys, as t'ou goaill myr reih chengey'n chialgeyr.

For thy mouth uttereth thine iniquity, and thou choosest the tongue of the crafty.

6

Ta dty veeal hene dy dty gheyrey, as cha nee mish; ta eer dty veillyn hene gymmyrkey feanish dt'oï.

Thine own mouth condemneth thee, and not I: yea, thine own lips testify against thee.

7

Nee uss yn chied dooinney v'er ny ruggey? ny row uss er dty chroo roish ny sleityn?

Art thou the first man that was born? or wast thou made before the hills?

8

Vel uss er chlashtyn folliaghtyn Yee? as vel oo goaill ooilley'n chreenaght dhyt hene?

Hast thou heard the secret of God? and dost thou restrain wisdom to thyself?

9

Cre'n toiggal t'ayd's, nagh vel ainyn? cre'n chreenaght t'aynyd's, nagh vel aynin?

What knowest thou, that we know not? what understandest thou, which is not in us?

10

Ny mast'ainyn ta chammah ny king lheeah as y chenndeeaght, foddey shinney na dty ayr.

With us are both the grayheaded and very aged men, much elder than thy father.

11

Vel oo soiaghey beg jeh gerjagh Yee? vel saase follit erbee ayd?

Are the consolations of God small with thee? is there any secret thing with thee?

12

Cre'n-fa ta dty chree cur shaghrynys ort? as quoi er ta dty hooillyn meekey,

Why doth thine heart carry thee away? and what do thy eyes wink at,

13

Dy vel oo chyndaa dty yymmoose noi Jee, as lhiggey lheid ny goan cheet ass dty veeal?

That thou turnest thy spirit against God, and lettest such words go out of thy mouth?

14

Cre ta dooinney, eh dy ve glen? ny eshyn t'er ny ruggey jeh ben, dy ve cairagh?

What is man, that he should be clean? and he which is born of a woman, that he should be righteous?

15

Cur-my-ner, cha vel eh coyrt treishteil erbee gys e ainleyn; cha vel eer ny niaughyn hene glen ayns e hilley.

Behold, he putteth no trust in his saints; yea, the heavens are not clean in his sight.

16

Cre-woad sloo dwoaiagh as neu-ghlen ta dooinney, ta sluggey mee-chairys myr ushtey?

How much more abominable and filthy is man, which drinketh iniquity like water?

17

Neem's y hoilshaghey dhyt, clasht rhym; as shen ny ta mee er vakin, neem's y ockley magh;

I will shew thee, hear me; and that which I have seen I will declare;

18

Shen ny ta deiney creeney er livrey veih nyn ayraghyn, as nagh vel ad er cheiltyn:

Which wise men have told from their fathers, and have not hid it:

19

Dauesyn ny-lomarcan va'n thalloo er ny choyrt, as nagh daink joarree erbee ny mast'oc.

Unto whom alone the earth was given, and no stranger passed among them.

20

Ta'n drogh-ghooinney troailt lesh pian ooilley e laghyn, as ta earroo bleeantyn y tranlaasagh goit giare.

The wicked man travaileth with pain all his days, and the number of years is hidden to the oppressor.

21

Ta feiyr atchimagh ayns e chleayshyn: ayns mean e vaynrys hig y stroider er.

A dreadful sound is in his ears: in prosperity the destroyer shall come upon him.

22

Cha vel treishteil echey dy hyndaa reesht veih'n dorraghys, son dy vel y cliwe farkiaght er e hon.

He believeth not that he shall return out of darkness, and he is waited for of the sword.

23

T'eh rouail mygeayrt son arran, gra, C'raad te? ta fys echey dy vel lane dorraghys er-gerrey da.

He wandereth abroad for bread, saying, Where is it? he knoweth that the day of darkness is ready at his hand.

24

Nee seaghyn as angaish aggle y chur er; yiow ad barriaght harrish, myr ree shleeuit son caggey.

Trouble and anguish shall make him afraid; they shall prevail against him, as a king ready to the battle.

25

Son t'eh sheeyney magh e laue noi Jee, as niartaghey eh-hene noi'n Ooilley-niartal.

For he stretcheth out his hand against God, and strengtheneth himself against the Almighty.

26

T'eh roie er e wannal, eer er builg lajer e eilley-caggee.

He runneth upon him, even on his neck, upon the thick bosses of his bucklers:

27

Er-yn-oyr dy vel eh coodaghey e eddin lesh riurid, as rollaghyn dy vlennick er e vlainyn.

Because he covereth his face with his fatness, and maketh collops of fat on his flanks.

28

As t'eh baghey ayns ard-valjyn treigit ayns thieyn ayndoo nagh vel dooinney erbee cummal, ta aarloo dy huittym ayns carnaneyn.

And he dwelleth in desolate cities, and in houses which no man inhabiteth, which are ready to become heaps.

29

Cha jean eh bishaghey, chamoo nee e chooid farraghtyn, chamoo vees e ooashley beayn er y thalloo.

He shall not be rich, neither shall his substance continue, neither shall he prolong the perfection thereof upon the earth.

30

Cha bee eh er ny livrey ass y dorraghys: nee'n aile e vanglaneyn y lostey seose, as lesh blest e veeal hed eh naardey.

He shall not depart out of darkness; the flame shall dry up his branches, and by the breath of his mouth shall he go away.

31

Ny lhig da eh-hene y volley lesh fardalys; son bee fardalys e leagh.

Let not him that is deceived trust in vanity: for vanity shall be his recompence.

32

Son bee eh er ny chooilleeney ayns y traa echey hene, as cha bee e vanglane messoil.

It shall be accomplished before his time, and his branch shall not be green.

33

Bee e vess creen er ny hilgey myr y billey-feeyney, as e vlaa tuittym myr yn olive

He shall shake off his unripe grape as the vine, and shall cast off his flower as the olive.

34

Son bee sheshaght ny crauee-oalsey er nyn skeayley, as nee'n aile stroie ny cabbaneyn ocsyn ta creck briwnys.

For the congregation of hypocrites shall be desolate, and fire shall consume the tabernacles of bribery.

35

T'ad gientyn olkys, as gymmyrkey magh fardalys, as ta nyn gree cur er y hoshiaght molteyrys.

They conceive mischief, and bring forth vanity, and their belly prepareth deceit.