The Bible

1

Cur-my-ner, ta my hooill er vakin ooilley shoh, ta my chleaysh er chlashtyn as er hoiggal eh.

Lo, mine eye hath seen all this, mine ear hath heard and understood it.

2

Shen ny ta fys euish er, ta fys aym's er myrgeddin: cha vel mee veg ergooyl riu.

What ye know, the same do I know also: I am not inferior unto you.

3

Shickyr rish yn Ooilley-niartal baillym's loayrt, as dy phleadeil my chooish fenish Yee.

Surely I would speak to the Almighty, and I desire to reason with God.

4

Agh cha vel shiuish agh cooiney breagyn; ta shiu ooilley fir-lhee gyn-foaynoo.

But ye are forgers of lies, ye are all physicians of no value.

5

O dy beagh shiu ooilley cooidjagh nyn-dhost! as veagh shiu eisht goit son deiney creeney.

O that ye would altogether hold your peace! and it should be your wisdom.

6

Clasht-jee nish rish ny t'aym dy ghra, as eaisht-jee rish pleadeil my veillyn.

Hear now my reasoning, and hearken to the pleadings of my lips.

7

Jean shiuish loayrt dy aggairagh ayns lieh Yee? as taggloo dy molteyragh er e hon?

Will ye speak wickedly for God? and talk deceitfully for him?

8

Vod shiuish soiaghey jeh'n persoon echey? nee shiuish oddys pleadeil ayns lieh Yee?

Will ye accept his person? will ye contend for God?

9

Bee eh son y vondeish eu briaght dy ve jeant erriu? ny, myr ta dooinney brynneraght rish dooinney, vel shiuish myr shen brynneraght rishyn?

Is it good that he should search you out? or as one man mocketh another, do ye so mock him?

10

Nee eh son shickyrys shiu y cherraghey, my ta shiu gy-follit soiagh jeh persoonyn.

He will surely reprove you, if ye do secretly accept persons.

11

Nagh der yn ard-ooashley echeysyn aggle erriu? as nagh jean yn atchim echey tuittym erriu?

Shall not his excellency make you afraid? and his dread fall upon you?

12

Ta ny raaghyn eu myr y joan, as nyn girp myr kirp dy chray.

Your remembrances are like unto ashes, your bodies to bodies of clay.

13

Bee-jee nyn-dhost, as lhig-jee fee dou dy voddym loayrt, lhig cre saïllish cheet orrym.

Hold your peace, let me alone, that I may speak, and let come on me what will.

14

Cre'n-fa ta pian my eill cur orrym snaggeraght lesh my eeacklyn, as dy vel my vioys ayns my laue?

Wherefore do I take my flesh in my teeth, and put my life in mine hand?

15

Ga dy marr eh mee, ny-yeih treishtin ayn: agh neem's my ynrickys y yannoo mie kiongoyrt rish.

Though he slay me, yet will I trust in him: but I will maintain mine own ways before him.

16

Eshyn neesht vees my haualtys: son cha jig yn crauee-oalsey ny enish.

He also shall be my salvation: for an hypocrite shall not come before him.

17

Clasht-jee dy imneagh rish my ghoan as my chooish lesh nyn gleayshyn.

Hear diligently my speech, and my declaration with your ears.

18

Cur-my-ner nish, ta mee er n'yannoo magh my chooish; ta fys aym dy bee'm er my heyrey.

Behold now, I have ordered my cause; I know that I shall be justified.

19

Quoi eh nee pleadeil m'oi? son dy beign my-host, veagh eh baase dou.

Who is he that will plead with me? for now, if I hold my tongue, I shall give up the ghost.

20

Agh ny jean daa red rhym; eisht cha jean-ym mee-hene y ollaghey voïd.

Only do not two things unto me: then will I not hide myself from thee.

21

Jean dty smaght y scughey foddey voym; as ny lhig da dty atchim mish y agglaghey:

Withdraw thine hand far from me: and let not thy dread make me afraid.

22

Eisht eïe uss, as neem's freggyrt; er-nonney; lhig dooys loayrt, as jean uss gansoor.

Then call thou, and I will answer: or let me speak, and answer thou me.

23

Cre wheesh as ta my vee-chairys as my pheccaghyn? soilshee dou my ghrogh-yannoo, as my loght.

How many are mine iniquities and sins? make me to know my transgression and my sin.

24

Cre'n-fa t'ou follaghey dty eddin, as dy m'y ghoaill son noid?

Wherefore hidest thou thy face, and holdest me for thine enemy?

25

Jean oo broo duillag ta eiyrit noon as noal? as jed oo geiyrt er y stubble chirrym?

Wilt thou break a leaf driven to and fro? and wilt thou pursue the dry stubble?

26

Son t'ou scrieu sheese reddyn sharroo m'oï, as dy my cherraghey son loghtyn m'aegid.

For thou writest bitter things against me, and makest me to possess the iniquities of my youth.

27

T'ou cur my chassyn neesht ayns ny stockyn, as sooill ghyere ayd er ooilley my raaidyn; t'ou cur cowrey myrgeddin er boynyn my choshey.

Thou puttest my feet also in the stocks, and lookest narrowly unto all my paths; thou settest a print upon the heels of my feet.

28

As ta mee goll naardey myr red loau myr garmad ta eeit lesh y lhemeen.

And he, as a rotten thing, consumeth, as a garment that is moth eaten.