The Bible

As dreggyr Job as dooyrt eh,

And Job answered and said,

Gyn dooyt shiu hene sleih creeney'n theihll, as yiow ooilley'n chreenaght baase mêriu.

No doubt but ye are the people, and wisdom shall die with you.

Agh ta tushtey aym's chammah as t'euish; cha vel mee veg ergooyl riu: eer, quoi eh nagh vel toiggal ooilley shoh?

But I have understanding as well as you; I am not inferior to you: yea, who knoweth not such things as these?

Ta mish myr fer t'ec e naboo ayns faghid, ta geamagh gys Jee, as t'eh dy reggyrt eh: ta'n dooinney slane-ynrick ayns faghid eu.

I am as one mocked of his neighbour, who calleth upon God, and he answereth him: the just upright man is laughed to scorn.

Eshyn ta aarloo dy skyrraghtyn, t'eh myr lamp t'er n'gholl ass ayns ny smooinaghtyn echeysyn ta ec aash.

He that is ready to slip with his feet is as a lamp despised in the thought of him that is at ease.

Ta cabbaneyn ny roosteyryn bishaghey, as t'adsyn ta brasnaghey Jee ayns sauchys; gys ny laueyn oc ta Jee cur stiagh dy palchey.

The tabernacles of robbers prosper, and they that provoke God are secure; into whose hand God bringeth abundantly.

Agh f?nee nish jeh maase y vagher, as nee ad dty ynsaghey; as jeh eeanlee'n aer, as nee ad ginsh dhyt:

But ask now the beasts, and they shall teach thee; and the fowls of the air, and they shall tell thee:

Er-nonney, loayr rish y thalloo, as nee eh dty ynsaghey; as rish eeastyn ny marrey, as ver ad toiggal dhyt.

Or speak to the earth, and it shall teach thee: and the fishes of the sea shall declare unto thee.

Quoi eh nagh vel fys echey liorish ooilley shoh, dy nee laue Yee t'er n'yannoo eh?

Who knoweth not in all these that the hand of the Lord hath wrought this?

Ayns e laue ta bioys dy chooilley chretoor, as ennal ooilley sheelnaue.

In whose hand is the soul of every living thing, and the breath of all mankind.

Nagh vel y chleaysh prowal goan, as y beeal blastyn bee?

Doth not the ear try words? and the mouth taste his meat?

Marish y chenndeeaght ta creenaght as ayns lhiurid laghyn ta tushtey.

With the ancient is wisdom; and in length of days understanding.

Marish Jee ta creenaght as niart, dasyn ta bentyn coyrle as tushtey.

With him is wisdom and strength, he hath counsel and understanding.

Cur-my-ner, t'eh lhieggal sheese, as cha vod eh ve troggit reesht; t'eh jeigh seose dooinney, as cha vel fosley ny chour.

Behold, he breaketh down, and it cannot be built again: he shutteth up a man, and there can be no opening.

Cur-my-ner, t'eh lhiettal ny ushtaghyn, as t'ad chirmit seose; myrgeddin t'eh lhiggey'n raad daue, as t'ad lhieeney harrish y thalloo.

Behold, he withholdeth the waters, and they dry up: also he sendeth them out, and they overturn the earth.

Marishyn ta niart as creenaght: ta'n er-mollit as y molteyr fo e reill.

With him is strength and wisdom: the deceived and the deceiver are his.

T'eh cur shaghrynys er creenaght ny fir-choyrlee, as jannoo ny briwnyn giare-cheeayllagh.

He leadeth counsellors away spoiled, and maketh the judges fools.

T'eh brishey geulaghyn reeaghyn, as niartaghey nyn meeghyn lesh cryss.

He looseth the bond of kings, and girdeth their loins with a girdle.

T'eh leeideil princeyn ersooyl spooillit as tilgey sheese y vooinjer niartal.

He leadeth princes away spoiled, and overthroweth the mighty.

T'eh jannoo gyn-bree glare ny fir-choyrlee, as cur shaghrynys er tushtey'n chenndeeaght.

He removeth away the speech of the trusty, and taketh away the understanding of the aged.

T'eh deayrtey magh nearey er princeyn, as t'eh lhaggaghey niart ny treanee.

He poureth contempt upon princes, and weakeneth the strength of the mighty.

T'eh cur er folliaghtyn y dorraghys dy heet-rish, as cur lesh gys soilshey scadoo'n vanish.

He discovereth deep things out of darkness, and bringeth out to light the shadow of death.

T'eh bishaghey ny ashoonyn, as dy stroie ad reesht: t'eh sheeyney magh nyn ardjyn, as dy hionney ad reesht.

He increaseth the nations, and destroyeth them: he enlargeth the nations, and straiteneth them again.

T'eh goaill ersooyl cree mooaralee yn thallooin, as cur orroo dy rouail ayns yn aasagh raad nagh vel cassan erbee.

He taketh away the heart of the chief of the people of the earth, and causeth them to wander in a wilderness where there is no way.

T'ad rasey 'sy dorraghys fegooish soilshey, as t'eh cur orroo dy leaystey myr dooinney meshtal.

They grope in the dark without light, and he maketh them to stagger like a drunken man.