The Bible


Eisht dreggyr Zophar yn Naamathite as dooyrt eh,

Then answered Zophar the Naamathite, and said,


Nagh vel ansoor dy ve er ny choyrt dasyn ta goaill rouyr taggloo er? as vel y beeallerey dy v'er ny heyrey?

Should not the multitude of words be answered? and should a man full of talk be justified?


Vel dty vreagyn dy choyrt deiney nyn dhost? as tra t'ou dty oalserey, vel dooinney erbee dy chur oo gys nearey?

Should thy lies make men hold their peace? and when thou mockest, shall no man make thee ashamed?


Son t'ou er ghra, Ta m'ymmyrkey-bea ynrick, as ta mee glen ayns dty hilley.

For thou hast said, My doctrine is pure, and I am clean in thine eyes.


Agh oh dy jinnagh Jee loayrt, as e veillyn y osley dt'oï.

But oh that God would speak, and open his lips against thee;


As dy jinnagh eh soilshaghey dhyt folliaghtyn dty cheeayll hene, dy vel ad dooble gys ny t'er ny akin! Toig, er-y-fa shen, dy vel Jee er chur ort foddey sloo na ta dty pheccaghyn dy hoilchin.

And that he would shew thee the secrets of wisdom, that they are double to that which is! Know therefore that God exacteth of thee less than thine iniquity deserveth.


Vod uss liorish ronsaghey geddyn magh Jee? vod slane toiggal 've ayd jeh folliaghtyn yn Ooilley-niartal?

Canst thou by searching find out God? canst thou find out the Almighty unto perfection?


T'eh ny syrjey na niau; cre oddys oo y yannoo? ny s'diuney na niurin; cre'n tushtey oddys 've ayd jeh?

It is as high as heaven; what canst thou do? deeper than hell; what canst thou know?


Ta'n towse echey ny s'lhiurey na'n thalloo, as ny shlea na'n aarkey.

The measure thereof is longer than the earth, and broader than the sea.


My t'eh giarey jeh, as jeigh seose deiney, ny tayrn dy cheilley; quoi eisht oddys eh y lhiettal?

If he cut off, and shut up, or gather together, then who can hinder him?


Son shione da fardalys deiney: t'eh fakin olkys myrgeddin: nagh jean eh er-y-fa shen smooinaghtyn er?

For he knoweth vain men: he seeth wickedness also; will he not then consider it?


Son baillish dooinney donney ve coontit creeney, ga dy vel eh er ny ruggey myr lhiy yn assyl fadane.

For vain men would be wise, though man be born like a wild ass's colt.


My nee oo dty chree y chiartaghey, as dty laueyn y heeyney seose huggeysyn;

If thou prepare thine heart, and stretch out thine hands toward him;


My ta mee-chairys ayns dty laue, scugh foddey voïd eh, as ny lhig da olkys tannaghtyn ayns dty chabbaneyn.

If iniquity be in thine hand, put it far away, and let not wickedness dwell in thy tabernacles.


Son eisht nee oo dty eddin y hroggal seose gyn cron; bee oo ayns sauchys, as cha bee aggle ort:

For then shalt thou lift up thy face without spot; yea, thou shalt be stedfast, and shalt not fear:


Son nee oo dty heaghyn y yarrood, as gimraa orroo myr er ushtaghyn ta roie shaghey.

Because thou shalt forget thy misery, and remember it as waters that pass away:


As bee dty vea ny sollys na'n vun-laa nee dty hoilshey brishey magh myr y voghrey.

And thine age shall be clearer than the noonday: thou shalt shine forth, thou shalt be as the morning.


As bee oo ec shee, son dy vel dty hreishteil ayns Jee; nee oo dy feer cleiy mygeayrt-y-mood, as bee dty chummal ayns sauchys,

And thou shalt be secure, because there is hope; yea, thou shalt dig about thee, and thou shalt take thy rest in safety.


Nee oo myrgeddin lhie sheese, as cha der dooinney erbee aggle ort; dy feer, nee ymmodee shirrey hood son cooney.

Also thou shalt lie down, and none shall make thee afraid; yea, many shall make suit unto thee.


Agh nee sooillyn y vee-chrauee failleil as cha jean ad scapail, as bee nyn dreishteil myr yn ennal baaish.

But the eyes of the wicked shall fail, and they shall not escape, and their hope shall be as the giving up of the ghost.