The Bible

1

Eisht dreggyr Bildad yn Shuhite as dooyrt eh,

Then answered Bildad the Shuhite, and said,

2

Caïd nee oo loayrt er yn aght shoh? as caïd vees goan dty veeal myr geay chassee?

How long wilt thou speak these things? and how long shall the words of thy mouth be like a strong wind?

3

Vel Jee cur briwnys neu-chorrym? as vel yn Ooilley-niartal cassey cairys?

Doth God pervert judgment? or doth the Almighty pervert justice?

4

My ta dty chloan er n'yannoo peccah n'oï-syn, as my t'eh er yiarey ad jeh son nyn ghrogh-yannoo;

If thy children have sinned against him, and he have cast them away for their transgression;

5

My yinnagh oo shirrey gys Jee dy leah, as dty aghin y yannoo gys yn Ooilley-niartal;

If thou wouldest seek unto God betimes, and make thy supplication to the Almighty;

6

Dy beagh oo er ve glen as ynrick; son shickyrys nish veagh eh er ve dooishtagh harryd, as er n'yannoo ynnyd-vaghee dt'ynrickys maynrey.

If thou wert pure and upright; surely now he would awake for thee, and make the habitation of thy righteousness prosperous.

7

Ga dy row dty hoshiaght fardalagh, ny-yeih veagh dty yerrey dy mooar er ny vannaghey.

Though thy beginning was small, yet thy latter end should greatly increase.

8

Son fenee, ta mee guee ort, jeh'n chenndeeaght, as bee imneagh dy vriaght veih ny shennayryn ocsyn:

For enquire, I pray thee, of the former age, and prepare thyself to the search of their fathers:

9

(Son cha vel shinyn agh jeh'n laa jea, as cha vel nyn dushtey agh giare, er-yn-oyr nagh vel nyn laghyn er y thalloo agh myr y scadoo:)

(For we are but of yesterday, and know nothing, because our days upon earth are a shadow:)

10

Nagh jean adsyn dt'ynsaghey, as ginsh dhyt, as fockley magh raaghyn creeney nyn gree?

Shall not they teach thee, and tell thee, and utter words out of their heart?

11

Vod y chuïn gaase fegooish laagh? vod y chlioagagh gaase gyn ushtey?

Can the rush grow up without mire? can the flag grow without water?

12

Choud as te foast glass, as gyn giarey sheese, te fioghey myr losserey erbee elley.

Whilst it is yet in his greenness, and not cut down, it withereth before any other herb.

13

Shen myr ta ny raaidyn ocsyn ooilley ta jarrood Jee; as nee treishteil yn chrauee-oalsey cherraghtyn:

So are the paths of all that forget God; and the hypocrite's hope shall perish:

14

E hreishteil vees er ny yiarey jeh, as e yerkal myr feegan y doo-oallee.

Whose hope shall be cut off, and whose trust shall be a spider's web.

15

Ver eh 'varrant er e hie, agh cha jean eh shassoo; nee eh niartaghey eh, agh cha jean eh farraghtyn.

He shall lean upon his house, but it shall not stand: he shall hold it fast, but it shall not endure.

16

T'eh glass ayns chiass ny greiney, as ta e vanglane blaaghey ayns e gharey.

He is green before the sun, and his branch shooteth forth in his garden.

17

Ta ny fraueyn echey skeayley mysh y charnane, as aase mastey creggyn.

His roots are wrapped about the heap, and seeth the place of stones.

18

My t'eh dy astyrt eh veih'n ynnyd echey, eisht cha gow e ynnyd rish, gra, Cha nhione dou oo.

If he destroy him from his place, then it shall deny him, saying, I have not seen thee.

19

Cur-my-ner, shoh gerjagh giare e vea, as veih'n ooir nee joarreeyn troggal ny ynnyd.

Behold, this is the joy of his way, and out of the earth shall others grow.

20

Cur-my-ner, cha jean Jee tilgey jeh yn dooinney ynrick, chamoo nee eh cooney lesh ny drogh-yantee;

Behold, God will not cast away a perfect man, neither will he help the evil doers:

21

Derrey t'eh er lhieeney dty veeal lesh garaghtee, as dty veillyn lesh gennallys.

Till he fill thy mouth with laughing, and thy lips with rejoicing.

22

Bee dty noidyn er nyn goodaghey lesh nearey; as cha jean ynnyd-vaghee ny mee-chrauee shassoo.

They that hate thee shall be clothed with shame; and the dwelling place of the wicked shall come to nought.