The Bible

Eie nish, my ta fer erbee ayn dy dty reggyrt; as gys quoi jeh ny ainleyn nee oo chyndaa?

Call now, if there be any that will answer thee; and to which of the saints wilt thou turn?

Son ta sproght marroo yn dooinney ommijagh, as ta troo stroie yn er mee-hushtagh.

For wrath killeth the foolish man, and envy slayeth the silly one.

Ta mee er vakin yn drogh-ghooinney goaill fraue agh dy leah honnick mee mollaght er e hie.

I have seen the foolish taking root: but suddenly I cursed his habitation.

Ta e chloan foddey veih sauchys, t'ad er nyn gheyrey 'sy yiat, chamoo ta fendeilagh erbee oc.

His children are far from safety, and they are crushed in the gate, neither is there any to deliver them.

Yn fouyr oc ta ny accryssee gee seose, as t'ad dy ghoaill eh veih mastey ny drineyn, as ta'n roosteyr sluggey seose nyn gooid.

Whose harvest the hungry eateth up, and taketh it even out of the thorns, and the robber swalloweth up their substance.

Ga nagh vel trimshey troggal ass yn ooir, ny seaghyn gaase ass y thalloo,

Although affliction cometh not forth of the dust, neither doth trouble spring out of the ground;

Ny-yeih ta dooinney er ny ruggey gys seaghyn, myr ta smaylyn yn aile getlagh lesh yn yrjid.

Yet man is born unto trouble, as the sparks fly upward.

Gys Jee yinnin's shirrey, as gys Jee yinnin's my chooish y hymney;

I would seek unto God, and unto God would I commit my cause:

Ta jannoo reddyn mooarey, as erskyn nyn dushtey; reddyn yindyssagh erskyn earroo:

Which doeth great things and unsearchable; marvellous things without number:

Ta cur fliaghey er y thalloo, as deayrtey ushtey er ny magheryn:

Who giveth rain upon the earth, and sendeth waters upon the fields:

Dy hroggal seose dy ard adsyn ta injil; dy vod adsyn ta dobberan ve soit ayns sauchys.

To set up on high those that be low; that those which mourn may be exalted to safety.

T'eh tilgey bun-ry-skyn saaseyn ny croutee, myr shen nagh jarg ad cooilleeney ny t'ad dy ghoaill ayns laue.

He disappointeth the devices of the crafty, so that their hands cannot perform their enterprise.

T'eh goaill y vooinjer chluicagh ayns y chialgeyrys oc hene; as cur shaghrynys er coyrle ny camlaagee.

He taketh the wise in their own craftiness: and the counsel of the froward is carried headlong.

Ta dorraghys cheet orroo 'sy laa, as t'ad rasey son y raad er y vun-laa myr 'syn oie

They meet with darkness in the day time, and grope in the noonday as in the night.

Agh t'eh sauail yn voght veih'n chliwe, veih yn veeal ocsyn, as veih laue yn vooinjer niartal.

But he saveth the poor from the sword, from their mouth, and from the hand of the mighty.

Myr shen ta treishteil ec y voght, as ta beeal mee-chairys ny-host.

So the poor hath hope, and iniquity stoppeth her mouth.

Cur-my-ner, s'maynrey ta'n dooinney ta Jee lhie e laue er; shen-y-fa ny jean uss soiaghey beg jeh smaght yn Ooilley-niartal:

Behold, happy is the man whom God correcteth: therefore despise not thou the chastening of the Almighty:

Son t'eh jannoo ching, as t'eh coyrt couyr; t'eh bwoalley, as ta ny laueyn echey slaanaghey.

For he maketh sore, and bindeth up: he woundeth, and his hands make whole.

Nee eh uss y livrey ayns shey seaghyn, eer ayns shiaght cha jig olk erbee dty choair.

He shall deliver thee in six troubles: yea, in seven there shall no evil touch thee.

Ayns gortey nee eh uss y livrey veih baase, as ayns caggey veih pooar v chliwe.

In famine he shall redeem thee from death: and in war from the power of the sword.

Bee oo keillit veih guin y chengey elgyssagh; cha bee aggle ort roish toyrt-mow tra te cheet.

Thou shalt be hid from the scourge of the tongue: neither shalt thou be afraid of destruction when it cometh.

Er traartys as genney cha jean oo agh garaghtee: chamoo gowee oo aggle roish beishtyn ny hooirrey.

At destruction and famine thou shalt laugh: neither shalt thou be afraid of the beasts of the earth.

Son bee oo ayns coardail rish claghyn y vagher; as bee beishtyn feïe ny hooirrey ec shee rhyt.

For thou shalt be in league with the stones of the field: and the beasts of the field shall be at peace with thee.

As bee fys ayd dy vel dty chabbane ayns shee; as hig oo stiagh ayns dty hie, as cha jed oo er-shaghryn.

And thou shalt know that thy tabernacle shall be in peace; and thou shalt visit thy habitation, and shalt not sin.

Nee oo toiggal myrgeddin dy bee dty chloan mooarane, as dty luight myr faiyr y thallooin.

Thou shalt know also that thy seed shall be great, and thine offspring as the grass of the earth.

Hig oo gys dty oaie ayns slane eash, myr ta toorran arroo cheet stiagh 'syn imbagh cooie.

Thou shalt come to thy grave in a full age, like as a shock of corn cometh in in his season.

Cur-my-ner shoh, ta shin er gheddyn magh eh, shen myr te; eaisht rish, as gow toiggal jeh son dt'oays hene.

Lo this, we have searched it, so it is; hear it, and know thou it for thy good.