The Bible

1

Nish, ayns y chied vleïn jeh Cyrus ree Phersia (dy voddagh goo'n Chiarn liorish beeal Yeremiah v'er ny chooilleeney) hug eh ayns cree Cyrus ree Phersia, dy ockley magh trooid ooilley e reeriaght, as myrgeddin dy beagh eh ayns scrieu, gra,

Now in the first year of Cyrus king of Persia, that the word of the Lord by the mouth of Jeremiah might be fulfilled, the Lord stirred up the spirit of Cyrus king of Persia, that he made a proclamation throughout all his kingdom, and put it also in writing, saying,

2

Myr shoh ta Cyrus ree Phersia dy ghra, Ta'n Chiarn Jee t'ayns niau, er choyrt dooys ooilley reeriaghtyn ny ashoonyn shoh, as er choyrt currym orrym dy hroggal thie da ec Jerusalem, t'ayns Judah.

Thus saith Cyrus king of Persia, The Lord God of heaven hath given me all the kingdoms of the earth; and he hath charged me to build him an house at Jerusalem, which is in Judah.

3

Quoi ta ny mast' eu jeh ooilley e phobble? e Yee dy row mârish, as lhig da goll seose gys Jerusalem t'ayns Judah, as troggal thie yn Chiarn, Jee Israel, (eshyn y Jee) ta ayns Jerusalem.

Who is there among you of all his people? his God be with him, and let him go up to Jerusalem, which is in Judah, and build the house of the Lord God of Israel, (he is the God,) which is in Jerusalem.

4

As quoi-erbee, t'er mayrn ayns ard erbee raad t'eh ny yoarree lhig da deiney yn ynnyd shen cooney 'choyrt da, lesh argid, as airh, as cooid, as maase, marish yn oural-arryltagh son thie'n Chiarn t'ayns Jerusalem.

And whosoever remaineth in any place where he sojourneth, let the men of his place help him with silver, and with gold, and with goods, and with beasts, beside the freewill offering for the house of God that is in Jerusalem.

5

Eisht hrog orroo ard-gheiney ayraghyn Yudah, as Venjamin, as ny saggyrtyn, as ny Leviteyn, mâroosyn ooilley, ny spyrrydyn oc va Jee er ghreinnaghey dy gholl seose, dy hroggal thie'n Chiarn, t'ayns Jerusalem.

Then rose up the chief of the fathers of Judah and Benjamin, and the priests, and the Levites, with all them whose spirit God had raised, to go up to build the house of the Lord which is in Jerusalem.

6

As ren adsyn ooilley va mygeayrt y moo, nyn laueyn y niartaghey, lesh siyn ta argid, lesh airh, lesh cooid, as maase, lesh reddyn costal, harrish as erskyn ny va chebbit dy arryltagh.

And all they that were about them strengthened their hands with vessels of silver, with gold, with goods, and with beasts, and with precious things, beside all that was willingly offered.

7

Hug Cyrus y ree lesh magh myrgeddin siyn thie'n Chiarn, va Nebuchadnezzar er choyrt lesh ass Jerusalem, as er choyrt ad ayns thie e yeeghyn hene:

Also Cyrus the king brought forth the vessels of the house of the Lord, which Nebuchadnezzar had brought forth out of Jerusalem, and had put them in the house of his gods;

8

Eer, ad shoh hug Cyrus ree Phersia lesh magh, liorish laue Mithredath yn tashteyder, as ad y choontey magh da Sheshbazzar prince Yudah.

Even those did Cyrus king of Persia bring forth by the hand of Mithredath the treasurer, and numbered them unto Sheshbazzar, the prince of Judah.

9

As shoh'n coontey oc; jeih claareeyn as feed dy airh, thousane claare dy argid, as nuy skynnyn as feed,

And this is the number of them: thirty chargers of gold, a thousand chargers of silver, nine and twenty knives,

10

Jeih basonyn as feed dy airh, basonyn argid dy chummey sloo kiare cheead as jeih, as dy hiyn elley thousane.

Thirty basons of gold, silver basons of a second sort four hundred and ten, and other vessels a thousand.

11

Va ooilley ny siyn airh as argid queig thousaneyn as kiare cheead: ad shoh ooilley hug Sheshbazzar lesh seose maroosyn jeh'n chappeeys, v'er nyn goyrt lhieu seose veih Babylon gys Jerusalem.

All the vessels of gold and of silver were five thousand and four hundred. All these did Sheshbazzar bring up with them of the captivity that were brought up from Babylon unto Jerusalem.