The Bible


As tra va Rehoboam er jeet gys Jerusalem, haggil eh jeh thie Yudah as Venjamin nuy-feed thousane reih deiney caggee, dy chaggey noi Israel, dy hyndaa yn reeriaght reesht gys Rehoboam.

And when Rehoboam was come to Jerusalem, he gathered of the house of Judah and Benjamin an hundred and fourscore thousand chosen men, which were warriors, to fight against Israel, that he might bring the kingdom again to Rehoboam.


Agh haink goo'n Chiarn gys Shemaiah yn dooinney dy Yee, gra,

But the word of the Lord came to Shemaiah the man of God, saying,


Loayr rish Rehoboam mac Solomon ree Yudah, as rish ooilley Israel ayns Judah as Benjamin, gra,

Speak unto Rehoboam the son of Solomon, king of Judah, and to all Israel in Judah and Benjamin, saying,


Myr shoh ta'n Chiarn dy ghra, Cha jed shiu seose, chamoo nee shiu caggey noi nyn mraaraghyn: chyndaa-jee dy chooilley ghooinney gys e hie, son ta'n red shoh jeant liorym's: as v'ad biallagh da goan y Chiarn, as hyndaa ad reesht veih goll noi Jeroboam.

Thus saith the Lord, Ye shall not go up, nor fight against your brethren: return every man to his house: for this thing is done of me. And they obeyed the words of the Lord, and returned from going against Jeroboam.


As ren Rehoboam cummal ayns Jerusalem, as hrog eh ard-valjyn son fendeil ayns Judah.

And Rehoboam dwelt in Jerusalem, and built cities for defence in Judah.


Hrog eh Beth-lehem, as Etam, as Tekoa,

He built even Bethlehem, and Etam, and Tekoa,


As Beth-zur, as Shoco, as Adullam,

And Bethzur, and Shoco, and Adullam,


As Gath, as Mareshah, as Ziph,

And Gath, and Mareshah, and Ziph,


As Adoraim, as Lachish, as Azekah,

And Adoraim, and Lachish, and Azekah,


As Zorah, as Aijalon, as Hebron; ta: ayns Judah, as ayns Benjamin, ard-valjyn voallit.

And Zorah, and Aijalon, and Hebron, which are in Judah and in Benjamin fenced cities.


As ren eh ny ynnydyn lajer y vannoo ny s'troshey, as hug eh captanyn ayndoo, as stoyr beaghey, as ooil, as feeyn.

And he fortified the strong holds, and put captains in them, and store of victual, and of oil and wine.


As ayns dagh ard-valley hug eh eïllaghyn-caggee, as shleiyghyn, as ren eh ad erskyn-towse lajer, son va Judah as Benjamin fo e reill.

And in every several city he put shields and spears, and made them exceeding strong, having Judah and Benjamin on his side.


As va ny saggyrtyn as ny Leviteyn ooilley er nyn jaglym cooidjagh huggey veih ooilley ardjyn Israel.

And the priests and the Levites that were in all Israel resorted to him out of all their coasts.


Son daag ny Leviteyn nyn gleebyn, as nyn gummallyn, as haink ad gys Judah as Jerusalem: son va Jeroboam as e vec er yiooldey ad veih oik y taggyrt y chooilleeney gys y Chiarn.

For the Levites left their suburbs and their possession, and came to Judah and Jerusalem: for Jeroboam and his sons had cast them off from executing the priest's office unto the Lord:


As doardee eh da-hene saggyrtyn son ny ard-ynnydyn, as son ny jouil, as son ny jallooyn v'eh er n'yannoo.

And he ordained him priests for the high places, and for the devils, and for the calves which he had made.


As mâroosyn haink gys Jerusalem ass ooilley tribeyn Israel, lheid as va nyn greeaghyn soit dy hirrey gys y Chiarn Jee Israel, dy hebbal oural gys Chiarn Jee nyn ayraghyn.

And after them out of all the tribes of Israel such as set their hearts to seek the Lord God of Israel came to Jerusalem, to sacrifice unto the Lord God of their fathers.


Myr shoh ren ad reeriaght Yudah y niartaghey, as chum ad seose Rehoboam mac Solomon three bleeaney: son choud shen jimmee ad ayns raad Ghavid as Solomon.

So they strengthened the kingdom of Judah, and made Rehoboam the son of Solomon strong, three years: for three years they walked in the way of David and Solomon.


As ghow Rehoboam huggey Mahalath inneen Jerimoth mac Ghavid son ben, as Abihail inneen Eliab, mac Jesse:

And Rehoboam took him Mahalath the daughter of Jerimoth the son of David to wife, and Abihail the daughter of Eliab the son of Jesse;


Ren gymmyrkey cloan da; Jeush, as Shamariah, as Zaham.

Which bare him children; Jeush, and Shamariah, and Zaham.


As ny lurg ecksh, ghow eh Maachah inneen Absalom, ren gymmyrkey da Abijah, as Attai, as Ziza, as Shelomith.

And after her he took Maachah the daughter of Absalom; which bare him Abijah, and Attai, and Ziza, and Shelomith.


As bynney lesh Rehoboam Maachah inneen Absalom, erskyn ooilley e vraane as e cho-lhiabbee: (son ghow eh hoght mraane jeig, as three-feed co-lhiabbagh, as v'echey hoght mec as feed, as three-feed inneen).

And Rehoboam loved Maachah the daughter of Absalom above all his wives and his concubines: (for he took eighteen wives, and threescore concubines; and begat twenty and eight sons, and threescore daughters.)


As ren Rehoboam Abijah mac Maachah yn ard er-reill mastey e vraaraghyn: son v'eh kiarail dy yannoo eh ny ree.

And Rehoboam made Abijah the son of Maachah the chief, to be ruler among his brethren: for he thought to make him king.


As ghell eh dy creeney ayns soiaghey yn chooid elley jeh e chloan harrish ny ard-valjyn fencit trooid ooilley cheeraghyn Yudah as Venjamin: as hug eh daue beaghey ooasle: as ghow eh da-hene ymmodee mraane.

And he dealt wisely, and dispersed of all his children throughout all the countries of Judah and Benjamin, unto every fenced city: and he gave them victual in abundance. And he desired many wives.