The Bible


Eisht dooyrt David y ree rish ooilley'n cheshaght, Ta Solomon my vac, eh ynrycan ta Jee er reih, foast aeg as meiygh, as ta'n obbyr mooar: son cha vel y phlaase son dooinney, agh son y Chiarn Jee.

Furthermore David the king said unto all the congregation, Solomon my son, whom alone God hath chosen, is yet young and tender, and the work is great: for the palace is not for man, but for the Lord God.


Nish ta mee er hilgey ro-laue lesh ooilley my phooar gour thie my Yee, yn airh son ny siyn airhey, as yn argid son ny siyn argid, as y phrash son siyn prashey, yiarn son obbyr yiarn, fuygh son obbyr fuygh; claghyn-onyx, as claghyn costal dy ve soit, claghyn sollys, as jeh caghlaaghyn daah, as dy chooilley vonney dy chlaghyn costal, as claghyn-marble ayns palchey.

Now I have prepared with all my might for the house of my God the gold for things to be made of gold, and the silver for things of silver, and the brass for things of brass, the iron for things of iron, and wood for things of wood; onyx stones, and stones to be set, glistering stones, and of divers colours, and all manner of precious stones, and marble stones in abundance.


As, er-yn-oyr dy vel mee er hoiaghey my ghraih er thie my Yee, ta aym jeh my chooid hene er-lheh, airh as argid, ta mee er stowal er thie my Yee, harrish as erskyn ooilley ny ta mee er chiarail ro-laue son y thie casherick.

Moreover, because I have set my affection to the house of my God, I have of mine own proper good, of gold and silver, which I have given to the house of my God, over and above all that I have prepared for the holy house.


Eer three thousane talent dy airh, jeh airh Ophir; as shiaght thousane talent dy argid ghlen, dy choodaghey voallaghyn ny thieyn:

Even three thousand talents of gold, of the gold of Ophir, and seven thousand talents of refined silver, to overlay the walls of the houses withal:


Yn airh son obbyr airh, as yn argid son obbyr argid, as son dy chooilley vonney dy obbyr dy ve jeant liorish laueyn deiney schleioil. As quoi-erbee eisht ta aggindagh, lhig da nish lhieeney e laue dy hebbal gys shirveish y Chiarn.

The gold for things of gold, and the silver for things of silver, and for all manner of work to be made by the hands of artificers. And who then is willing to consecrate his service this day unto the Lord?


Eisht ren ny ard ayraghyn, as princeyn tribeyn Israel, as captanyn thousaneyn as keeadyn, marish ny oaseiryn harrish obbyr y ree, chebbal dy arryltagh,

Then the chief of the fathers and princes of the tribes of Israel and the captains of thousands and of hundreds, with the rulers of the king's work, offered willingly,


As hug ad son shirveish thie Yee queig thousane talent, as jeih thousane peesh dy airh; as jeih thousane talent dy argid; as jeh prash hoght thousane jeig dy halentyn; as keead thousane talent dy yiarn.

And gave for the service of the house of God of gold five thousand talents and ten thousand drams, and of silver ten thousand talents, and of brass eighteen thousand talents, and one hundred thousand talents of iron.


As quoi erbee va claghyn costal oc, hug ad lhieu ad gys tashtaghyn thie'n Chiarn, fo laue Jehiel yn Gershonite.

And they with whom precious stones were found gave them to the treasure of the house of the Lord, by the hand of Jehiel the Gershonite.


Eisht va'n pobble ayns ard voggey son feoiltys nyn jebballyn, er-yn-oyr lesh cree ynrick, dy ren ad chebbal dy arryltagh gys y Chiarn: as ghow David y ree myrgeddin boggey erskyn towse.

Then the people rejoiced, for that they offered willingly, because with perfect heart they offered willingly to the Lord: and David the king also rejoiced with great joy.


Shen-y-fa ren David y Chiarn y vannaghey fenish ooilley'n cheshaght: as dooyrt David, Bannit dy row uss, Hiarn Yee Israel nyn ayr, son dy bragh as dy bragh.

Wherefore David blessed the Lord before all the congregation: and David said, Blessed be thou, Lord God of Israel our father, for ever and ever.


Lhiat's, O Hiarn, ta'n vooadys, as y phooar, as y ghloyr, as y varriaght, as yn ooashley: son lhiat's ta dy chooilley nhee ayns niau as er y thalloo lhiat's y reeriaght, O Hiarn, as uss ta erskyn earroo ard harrish ooilley.

Thine, O Lord is the greatness, and the power, and the glory, and the victory, and the majesty: for all that is in the heaven and in the earth is thine; thine is the kingdom, O Lord, and thou art exalted as head above all.


Voids ta chammah berchys as ooashley cheet, as t'ou reill harrish ooilley, as ayns dty laue ta pooar as troshid, as ayns dty laue te dy hoiaghey seose, as dy choyrt niart da ooilley.

Both riches and honour come of thee, and thou reignest over all; and in thine hand is power and might; and in thine hand it is to make great, and to give strength unto all.


Nish er-y-fa shen, nyn Yee, ta shin cur booise dhyt, as ard voylley da dt'ennym gloyroil.

Now therefore, our God, we thank thee, and praise thy glorious name.


Agh quoi mish, as cre ta my phobble, dy vel fort ain dy hebbal lesh creeaghyn cha arryltagh er yn aght shoh? son voids ta dy chooilley nhee, as jeh dty chooid hene, ta shin er jebbal dhyt's.

But who am I, and what is my people, that we should be able to offer so willingly after this sort? for all things come of thee, and of thine own have we given thee.


Son cha vel shin agh joarreeyn kiongoyrt rhyt, as troailtee myr va ooilley nyn ayraghyn; ta nyn laghyn er y thalloo myr scadoo, as cha vel tannaghtyn ayn.

For we are strangers before thee, and sojourners, as were all our fathers: our days on the earth are as a shadow, and there is none abiding.


O Hiarn nyn Yee, ooilley'n stoyr shoh ta shin er gheddyn aarloo dy hroggal dhyt thie son dt'ennym casherick, veih dty laue te cheet, as te ooilley lhiat hene.

O Lord our God, all this store that we have prepared to build thee an house for thine holy name cometh of thine hand, and is all thine own.


Ta fys aym myrgeddin, my Yee, dy vel oo prowal yn cree, as dy vel taitnys ayd 'syn ynrickys. Er my hon's ayns ynrickys my chree ta mee dy aggindagh er hebbal ooilley'n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood's dy arryltagh.

I know also, my God, that thou triest the heart, and hast pleasure in uprightness. As for me, in the uprightness of mine heart I have willingly offered all these things: and now have I seen with joy thy people, which are present here, to offer willingly unto thee.


O Hiarn Yee Abraham, Isaac, as Israel, nyn ayraghyn, freill dy bragh yn aigney mie shoh ayns smooinaghtyn creeaghyn dty phobble, as niartee nyn greeaghyn dy hirveish oo.

O Lord God of Abraham, Isaac, and of Israel, our fathers, keep this for ever in the imagination of the thoughts of the heart of thy people, and prepare their heart unto thee:


As giall da Solomon my vac cree ynrick, dy reayll dty annaghyn, dty recortyssyn, as dty lattyssyn, as dy yannoo ooilley ny obbraghyn shoh, as dy hroggal y chiamble shen. ny chour ta mee ro-laue er chiarail,

And give unto Solomon my son a perfect heart, to keep thy commandments, thy testimonies, and thy statutes, and to do all these things, and to build the palace, for the which I have made provision.


As dooyrt David rish ooilley'n cheshaght, Nish bannee-jee'n Chiarn nyn Yee. As ren y slane sheshaght yn Chiarn Jee nyn ayraghyn y vannaghey, as chroym ad sheese nyn ghing, as hug ad ooashley da'n Chiarn, as y ree.

And David said to all the congregation, Now bless the Lord your God. And all the congregation blessed the Lord God of their fathers, and bowed down their heads, and worshipped the Lord, and the king.


As heb ad ourallyn gys y Chiarn, as ourallyn-losht er laa-ny-vairagh, eer thousane dow, as thousane rea, as thousane eayn, marish nyn ourallyn-feeyney as ourallyn elley ayns slane palchey, son ooilley Israel:

And they sacrificed sacrifices unto the Lord, and offered burnt offerings unto the Lord, on the morrow after that day, even a thousand bullocks, a thousand rams, and a thousand lambs, with their drink offerings, and sacrifices in abundance for all Israel:


As ren ad gee as giu fenish y Chiarn er y laa shen, lesh ard ghennallys: as ren ad Solomon mac Ghavid ny ree yn nah cheayrt, as d'ooilee ad eh gys y Chiarn dy ve yn ard-reilltagh, as Zadok dy ve'n ard-saggyrt.

And did eat and drink before the Lord on that day with great gladness. And they made Solomon the son of David king the second time, and anointed him unto the Lord to be the chief governor, and Zadok to be priest.


Eisht hoie Solomon er stoyl-reeoil y Chiarn myr ree ayns ynnyd Ghavid e ayr, as v' eh er ny niartaghey, as hug ooilley Israel biallys da.

Then Solomon sat on the throne of the Lord as king instead of David his father, and prospered; and all Israel obeyed him.


As ren ooilley ny princeyn, as ny deiney pooaral as ooilley mec ree Ghavid myrgeddin goaill-rish Solomon dy ve nyn ree.

And all the princes, and the mighty men, and all the sons likewise of king David, submitted themselves unto Solomon the king.


As ren y Chiarn Solomon y hoiaghey seose dy ard ayns sooillyn ooilley Israel, as stow eh er lheid y ooashley reeoil as nagh row ec ree erbee va roish ayns Israel.

And the Lord magnified Solomon exceedingly in the sight of all Israel, and bestowed upon him such royal majesty as had not been on any king before him in Israel.


Shoh myr ren David mac Jesse reill harrish ooilley Israel.

Thus David the son of Jesse reigned over all Israel.


As y traa ren eh reill harrish Israel va da-eed bleïn; shiaght bleeaney reill eh ayns Hebron, as three bleeaney jeig as feed ayns Jerusalem.

And the time that he reigned over Israel was forty years; seven years reigned he in Hebron, and thirty and three years reigned he in Jerusalem.


As hooar eh baase ayns shenn eash vie bannit lesh laghyn liauyrey, berchys, as ooashley: as ren Solomon e vac reill ny ynnyd.

And he died in a good old age, full of days, riches, and honour: and Solomon his son reigned in his stead.


Nish, obbraghyn Ghavid y ree, toshiaght as jerrey, cur-my-ner, t'ad scruit ayns lioar Samuel y fakyder, as ayns lioar Nathan y phadeyr, as ayns lioar Ghad y phadeyr.

Now the acts of David the king, first and last, behold, they are written in the book of Samuel the seer, and in the book of Nathan the prophet, and in the book of Gad the seer,


Mychione ooilley e reill, as e niart, as ny traaghyn hie harrishyn, as harrish Israel as harrish ooilley reeriaghtyn ny cheeraghyn mygeayrt.

With all his reign and his might, and the times that went over him, and over Israel, and over all the kingdoms of the countries.