The Bible


As ghow David coyrle marish ny captanyn thousaneyn as keeadyn, as marish dy chooilley leeideilagh.

And David consulted with the captains of thousands and hundreds, and with every leader.


As dooyrt David rish ooilley sheshaght Israel va kionfenish, My s'taittin lhieu eh, as dy bee eh aigney'n Chiarn nyn Yee, lhig dooin fys y choyrt magh gys nyn mraaraghyn ayns dy chooilley ard, ta faagit ayns ooilley cheer Israel, as mâroosyn myrgeddin gys ny saggyrtyn as ny Leviteyn t'ayns nyn ard-valjyn, as mygeayrt-y-moo, dy bee ad er nyn jaglym cooidjagh hooin.

And David said unto all the congregation of Israel, If it seem good unto you, and that it be of the Lord our God, let us send abroad unto our brethren every where, that are left in all the land of Israel, and with them also to the priests and Levites which are in their cities and suburbs, that they may gather themselves unto us:


As lhig dooin cur lhien reesht arg nyn Yee hooin: son cha ren shin shirrey huggey son coyrle ayns laghyn Saul.

And let us bring again the ark of our God to us: for we enquired not at it in the days of Saul.


As dooyrt ooilley'n pobble, dy jinnagh ad myr shen: son va'n chooish mie ayns sooillyn ooilley'n pobble.

And all the congregation said that they would do so: for the thing was right in the eyes of all the people.


Myr shen haggil David ooilley Israel cooidjagh veih Shihor jeh Egypt, eer gys slystyn Hemath, dy chur lhieu arg Yee veih Kirjath-jearim.

So David gathered all Israel together, from Shihor of Egypt even unto the entering of Hemath, to bring the ark of God from Kirjathjearim.


As hie David seose, as ooilley Israel, gys Baalah, ta shen Kirjath-jearim, ayns Judah, dy chur lhieu seose veih shen arg Yee yn Chiarn, ta cummal eddyr ny cherubim, raad t'ad geamagh er e ennym.

And David went up, and all Israel, to Baalah, that is, to Kirjathjearim, which belonged to Judah, to bring up thence the ark of God the Lord, that dwelleth between the cherubims, whose name is called on it.


As chur ad lhieu arg Yee ayns cart noa, ass thie Abinadab; as Uzza as Ahio ren geiyrt y chart.

And they carried the ark of God in a new cart out of the house of Abinadab: and Uzza and Ahio drave the cart.


As chloie David as ooilley Israel kiongoyrt rish Jee lesh ard choraa, as lesh kiaulleeaght, as lesh claasaghyn, as lesh psaltreeyn, as lesh timbrellyn, as lesh cymballyn, as lesh trumpetyn.

And David and all Israel played before God with all their might, and with singing, and with harps, and with psalteries, and with timbrels, and with cymbals, and with trumpets.


As tra haink ad gys laare-vooie Chidon, heeyn Uzza magh e laue, dy ymmyrkey fo yn arg: son ren ny dew snapperal.

And when they came unto the threshingfloor of Chidon, Uzza put forth his hand to hold the ark; for the oxen stumbled.


As va corree'n Chiarn er ny vrasnaghey noi Uzza, as woaill eh eh, er-yn-oyr dy dug eh e laue er yn art: as ayns shen hooar eh baase kiongoyrt rish Jee:

And the anger of the Lord was kindled against Uzza, and he smote him, because he put his hand to the ark: and there he died before God.


As va David seaghnit, er-yn-oyr dy row'n Chiarn er n'yannoo brishey er Uzza; shen-y-fa ta'n ynnyd shen enmyssit Perezuzza gys y laa jiu.

And David was displeased, because the Lord had made a breach upon Uzza: wherefore that place is called Perezuzza to this day.


As va David ayns aggle roish Jee er y laa shen; gra, Kys s'loys dou arg Yee 'ghoaill thie hym?

And David was afraid of God that day, saying, How shall I bring the ark of God home to me?


Myr shen cha dug David lesh yn arg thie huggey hene gys ard-valley Ghavid, agh chur eh lesh eh dy lhiattee stiagh gys thie Obed-edom yn Gittite.

So David brought not the ark home to himself to the city of David, but carried it aside into the house of Obededom the Gittite.


As va arg Yee faagit ayns thie Obed-edom three meeaghyn. As vannee'n Chiarn Obed-edom, as ooilley ny v'echey.

And the ark of God remained with the family of Obededom in his house three months. And the Lord blessed the house of Obededom, and all that he had.