The Bible


As smooinee David ayns e chree, Neem's foast keayrt ny keayrt ennagh tuittym liorish laue Saul: cha voddym ny share y yannoo na dy chosney cha leah's oddym gys cheer ny Philistinee, as cha bee smooinaghtyn sodjey ec Saul orrym, dy hirrey er my hon ayns veg jeh ardjyn Israel: myr shoh nee'm scapail ass e laue.

And David said in his heart, I shall now perish one day by the hand of Saul: there is nothing better for me than that I should speedily escape into the land of the Philistines; and Saul shall despair of me, to seek me any more in any coast of Israel: so shall I escape out of his hand.


As hrog David er, as hie eh harrish lesh shey cheead dooinney va marish gys Achish, mac Maoch, ree Ghath.

And David arose, and he passed over with the six hundred men that were with him unto Achish, the son of Maoch, king of Gath.


As ren David cummal marish Achish ec Gath, eh-hene as e gheiney, dy chooilley ghooinney marish lught e hie, eer David as e ghaa ven, Ahinoam veih Jezreel, as Abigail veih Carmel, va ben Nabal.

And David dwelt with Achish at Gath, he and his men, every man with his household, even David with his two wives, Ahinoam the Jezreelitess, and Abigail the Carmelitess, Nabal's wife.


As ve inshit da Saul, dy row David er chosney gys Gath: as cha ren eh briaght ny-sodjey er e hon.

And it was told Saul that David was fled to Gath: and he sought no more again for him.


As dooyrt David rish Achish, My ta mee nish er gheddyn foayr ayns dty hoiillyn, lhig daue ynnyd-vaghee y chur dou ayns paart jeh ny baljyn-cheerey, dy voddym cummal ayns shen son cre'n-fa yinnagh dty harvaant cummal liort's ayns yn ard-valley reeoil?

And David said unto Achish, If I have now found grace in thine eyes, let them give me a place in some town in the country, that I may dwell there: for why should thy servant dwell in the royal city with thee?


Eisht hug Achish Ziklag da yn laa shen: shen-y-fa ta Ziklag bentyn da reeaghyn Yudah gys y laa t'ayn jiu.

Then Achish gave him Ziklag that day: wherefore Ziklag pertaineth unto the kings of Judah unto this day.


As va'n traa ren David cummal ayns cheer ny Philistinee slane blein as kiare meeaghyn.

And the time that David dwelt in the country of the Philistines was a full year and four months.


As hie David as e gheiney seose, as vrish ad stiagh er ny Geshuriteyn, as ny Gezriteyn, as ny Amalekiteyn: son va ny ashoonyn cheddin son foddey dy hraa shenn cummaltee'n cheer, myr t'ou goll gys Shur, eer gys Egypt.

And David and his men went up, and invaded the Geshurites, and the Gezrites, and the Amalekites: for those nations were of old the inhabitants of the land, as thou goest to Shur, even unto the land of Egypt.


As woaill David y cheer, as cha daag eh dooinney ny ben bio; as ghow eh ersooyl ny kirree, as ny dew, as ny assylyn, as ny camelyn, as ny coamraghyn, as hyndaa ad reesht, as haink ad gys Achish.

And David smote the land, and left neither man nor woman alive, and took away the sheep, and the oxen, and the asses, and the camels, and the apparel, and returned, and came to Achish.


As dooyrt Achish, Quoi noi hie shiu magh jiu? As dooyrt David, Noi jiass Yudah, as noi jiass ny Jerahmeeliteyn, as noi jiass ny Keniteyn.

And Achish said, Whither have ye made a road to day? And David said, Against the south of Judah, and against the south of the Jerahmeelites, and against the south of the Kenites.


As cha ren David dooinney ny ben y hauail bio dy yannoo skeeal jeh ayns Gath, gra, Er-aggle dy jinnagh ad shin y vrah, gra, Shoh myr ren David, as shoh myr vees y cliaghtey echey choud as vees eh cummal ayns cheer ny Philistinee.

And David saved neither man nor woman alive, to bring tidings to Gath, saying, Lest they should tell on us, saying, So did David, and so will be his manner all the while he dwelleth in the country of the Philistines.


As chred Achish David, as smooinee eh rish hene, T'eh er chur er e phobble Israel dy choyrt slane dwoaie da; shen-y-fa bee eh my harvaant choud as vees bio.

And Achish believed David, saying, He hath made his people Israel utterly to abhor him; therefore he shall be my servant for ever.