- 1 Samuel
- 2 Samuel
- 1 Kings
- 2 Kings
- 1 Chronicles
- 2 Chronicles
- Psalm 1
- Song of Solomon
- 1 Corinthians
- 2 Corinthians
- 1 Thessalonians
- 2 Thessalonians
- 1 Timothy
- 2 Timothy
- 1 Peter
- 2 Peter
- 1 John
- 2 John
- 3 John
Eisht hie Boaz seose gys giat yn ard-valley [Thie ny quaallagh], as hoie eh sheese ayns shen: as cur-my-ner, haink y dooinney-mooinjerey shaghey, ren Boaz gimraa er; rishyn dooyrt eh, Ho, lheid y fer! shass stiagh, soie sheese ayns shoh, As hass eh stiagh, as hoie eh sheese.
Then went Boaz up to the gate, and sat him down there: and, behold, the kinsman of whom Boaz spake came by; unto whom he said, Ho, such a one! turn aside, sit down here. And he turned aside, and sat down.
As ghow eh jeih deiney jeh shanstyr yn ard-valley, as dooyrt eh, Soie-jee shiuish ayns shoh. As hoie ad sheese.
And he took ten men of the elders of the city, and said, Sit ye down here. And they sat down.
As dooyrt eh rish y dooinney-mooinjerey, Ta Naomi, t'er jeet reesht ass cheer Voab, mysh creck peesh dy halloo, va lesh nyn mraar Elimelech:
And he said unto the kinsman, Naomi, that is come again out of the country of Moab, selleth a parcel of land, which was our brother Elimelech's:
As va mee booiagh fys y ve ayd er, gra rhyt, Kionnee eh fenish ny cummaltee, as fenish shanstyr my phobble. My nee oo feaysley eh, jean shen; agh mannagh vel oo son feaysley eh, abbyr shen, dy vod fys 've aym cree nee'm: son cha vel fer dy eaysley eh agh oo-hene; as ta mish dty yeï. As dooyrt eh, Neem's feaysley eh.
And I thought to advertise thee, saying, Buy it before the inhabitants, and before the elders of my people. If thou wilt redeem it, redeem it: but if thou wilt not redeem it, then tell me, that I may know: for there is none to redeem it beside thee; and I am after thee. And he said, I will redeem it.
Eisht dooyrt Boaz, Er y laa t'ou kionnaghey'n thalloo veih laue Naomi shegin dhyt myrgeddin kionnaghey eh veih Ruth yn Moabitess, ben y varroo, dy chummal seose ennym y varroo 'syn eiraght echey.
Then said Boaz, What day thou buyest the field of the hand of Naomi, thou must buy it also of Ruth the Moabitess, the wife of the dead, to raise up the name of the dead upon his inheritance.
As dooyrt yn dooinney-mooinjerey, Cha voddym feaysley eh er my hon hene, fegooish jannoo assee da m'eiraght hene: ta mee livrey seose my chairys hood's, son cha vel mee son feaysley eh.
And the kinsman said, I cannot redeem it for myself, lest I mar mine own inheritance: redeem thou my right to thyself; for I cannot redeem it.
Nish shoh va'n chenn chliaghtey ayns Israel mychione kionnaghey, as mychione caghlaa, dy chonfyrmal dy chooilley nhee; Va dooinney dy hayrn jeh e vraag, as dy livrey eh da e naboo: as va shoh yn cowrey-feayslee ayns Israel.
Now this was the manner in former time in Israel concerning redeeming and concerning changing, for to confirm all things; a man plucked off his shoe, and gave it to his neighbour: and this was a testimony in Israel.
Shen-y-fa dooyrt y dooinney mooinjerey rish Boaz, Kionnee eh ayns dty chairys hene: Myr shen ghow eh jeh e vraag.
Therefore the kinsman said unto Boaz, Buy it for thee. So he drew off his shoe.
As dooyrt Boaz rish y chanstyr, as rish ooilley'n pobble, Ta shiuish nyn veanishyn er y laa shoh, dy vel mish er chionnaghey ooilley ny va lesh Elimelech, as ooilley ny va lesh Chilion as Mahlon, veih laue Naomi.
And Boaz said unto the elders, and unto all the people, Ye are witnesses this day, that I have bought all that was Elimelech's, and all that was Chilion's and Mahlon's, of the hand of Naomi.
Marish shoh, Ruth yn Moabitess, ben Mahlon, ta mee er chionnaghey dy ve my ven's, dy chummal seose ennym y varroo ayns e eiraght, nagh bee ennym y varroo er ny yiarey jeh veih mastey e vraaraghyn, as veih giat e phobble: ta shiu nyn veanishyn yn laa jiu.
Moreover Ruth the Moabitess, the wife of Mahlon, have I purchased to be my wife, to raise up the name of the dead upon his inheritance, that the name of the dead be not cut off from among his brethren, and from the gate of his place: ye are witnesses this day.
As dooyrt ooilley'n pobble v'ayns y whaiyll, as ny briwnyn, Ta shin feanishyn: dy der y Chiarn er y ven ta er jeet stiagh ayns dty hie dy ve myr Rachel as myr Leah, ad shoh nyn-neesht ren soiaghey seose thie Israel: as dy bee oo onnoroil ayns Ephratah, as ooasle ayns Beth-lehem:
And all the people that were in the gate, and the elders, said, We are witnesses. The Lord make the woman that is come into thine house like Rachel and like Leah, which two did build the house of Israel: and do thou worthily in Ephratah, and be famous in Bethlehem:
As dy bee dty hie's goll rish thie Pharez, (ren Tamar y ymmyrkey da Judah,) jeh'n sluight ver y Chiarn dhyt jeh'n ven aeg shoh.
And let thy house be like the house of Pharez, whom Tamar bare unto Judah, of the seed which the Lord shall give thee of this young woman.
Myr shen ren Boaz goaill Ruth, as v'ee e ven-phoost: as tra haink ad cooidjagh, hug y Chiarn yn bannaght jee dy ymmyrkey mac.
So Boaz took Ruth, and she was his wife: and when he went in unto her, the Lord gave her conception, and she bare a son.
As dooyrt ny mraane rish Naomi, Bannit dy row'n Chiarn, nagh vel dt' aagail jiu fegooish eirey, jeh ennym ooasle ayns Israel.
And the women said unto Naomi, Blessed be the Lord, which hath not left thee this day without a kinsman, that his name may be famous in Israel.
As dy ve dhyt's son lhiurid bea, as gerjagh dty henn eash: son dty inneen-'sy-leigh ta graihagh ort, as ish ny share dhyt na shiaght mec, ta er n'ymmyrkey eh.
And he shall be unto thee a restorer of thy life, and a nourisher of thine old age: for thy daughter in law, which loveth thee, which is better to thee than seven sons, hath born him.
As ghow Naomi yn lhiannoo gys yn oghrish eck, as ren ee boandyrys eh.
And Naomi took the child, and laid it in her bosom, and became nurse unto it.
As hug ny mraane ny nabooyn eck ennym er, gra, Ta mac er ny ruggey da Naomi, as denmys ad eh Obed: eshyn ayr Jesse, ayr Ghavid,
And the women her neighbours gave it a name, saying, There is a son born to Naomi; and they called his name Obed: he is the father of Jesse, the father of David.
Nish ad shoh sheelogheyn Pharez: hooar Pharez Hezron,
Now these are the generations of Pharez: Pharez begat Hezron,
As hooar Hezron Ram, as hooar Ram Amminadab.
And Hezron begat Ram, and Ram begat Amminadab,
As hooar Amminadab Nahshon, as hooar Nahshon Salmon,
And Amminadab begat Nahshon, and Nahshon begat Salmon,
As hooar Salmon Boaz, as hooar Boaz Obed,
And Salmon begat Boaz, and Boaz begat Obed,
As hooar Obed Jesse, as hooar Jesse David.
And Obed begat Jesse, and Jesse begat David.