The Bible

1

As hig eh gy-kione, my nee oo geaishtagh dy imneagh rish corraa'n Chiarn dty Yee, dy reayll as dy chooilleeney ooilley e oardaghyn, ta mee dy harey dhyt jiu, dy jean y Chiarn dty Yee oo y hoiaghey seose erskyn ooilley ashoonyn y theihll.

And it shall come to pass, if thou shalt hearken diligently unto the voice of the Lord thy God, to observe and to do all his commandments which I command thee this day, that the Lord thy God will set thee on high above all nations of the earth:

2

As hig ooilley ny bannaghtyn shoh ort, as berree ad ort, my eaishtys oo rish coraa'n Chiarn dty Yee.

And all these blessings shall come on thee, and overtake thee, if thou shalt hearken unto the voice of the Lord thy God.

3

Bannit vees oo 'syn ard-valley, as bannit vees oo 'sy vagher.

Blessed shalt thou be in the city, and blessed shalt thou be in the field.

4

Bannit vees sluight dty chorp, as mess dty hallooin, as ingan dty vaase, as dty ollagh, as dty hioltaneyn keyrragh.

Blessed shall be the fruit of thy body, and the fruit of thy ground, and the fruit of thy cattle, the increase of thy kine, and the flocks of thy sheep.

5

Bannit vees dty vaskad, as dty stoyr.

Blessed shall be thy basket and thy store.

6

Bannit vees oo, tra hig oo stiagh, as bannit vees oo, tra hed oo magh.

Blessed shalt thou be when thou comest in, and blessed shalt thou be when thou goest out.

7

Ver y Chiarn er dty noidyn, ta troggal seose dt'oï, dy ve bwoailt kiongoyrt rish dt'eddin: hig ad magh dt'oï un raad, as nee ad chea royd shiaght raaidyn.

The Lord shall cause thine enemies that rise up against thee to be smitten before thy face: they shall come out against thee one way, and flee before thee seven ways.

8

Nee'n Chiarn sarey bannaght ort, ayns dty hoaltyn, as ayns ooilley ny t'ou coyrt dty laue huggey: as nee eh dty vannaghey 'sy cheer, ta'n Chiarn dty Yee dy choyrt dhyt.

The Lord shall command the blessing upon thee in thy storehouses, and in all that thou settest thine hand unto; and he shall bless thee in the land which the Lord thy God giveth thee.

9

Nee'n Chiarn dty niartaghey son pobble casherick da hene, myr t'eh er vreearrey, my reayllys oo annaghyn y Chiarn dty Yee, as gimmeeaght ayns e raaidyn.

The Lord shall establish thee an holy people unto himself, as he hath sworn unto thee, if thou shalt keep the commandments of the Lord thy God, and walk in his ways.

10

As nee ooilley ashoonyn y theihll fakin, dy vel oo er dty enmys er y Chiarn, as bee aggle orroo royd.

And all people of the earth shall see that thou art called by the name of the Lord; and they shall be afraid of thee.

11

As nee'n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

And the Lord shall make thee plenteous in goods, in the fruit of thy body, and in the fruit of thy cattle, and in the fruit of thy ground, in the land which the Lord sware unto thy fathers to give thee.

12

Nee'n Chiarn fosley dhyt e hashtaghyn mie; yn aer, dy choyrt fliaghey er dty halloo ayns e imbagh, as dy vannaghey ooilley obbraghyn dty laue: as nee oo geeasagh da ymmodee ashoonyn, as cha jean oo goaill er eeasaght.

The Lord shall open unto thee his good treasure, the heaven to give the rain unto thy land in his season, and to bless all the work of thine hand: and thou shalt lend unto many nations, and thou shalt not borrow.

13

Nee'n Chiarn uss y toshiaght, as cha nee'n jerrey; as bee oo er yn eaghtyr, as cha nee fo: my eaishtys oo rish oardaghyn y Chiarn dty Yee, ta mee dy harey dhyt's jiu, dy reayll as dy yannoo ad:

And the Lord shall make thee the head, and not the tail; and thou shalt be above only, and thou shalt not be beneath; if that thou hearken unto the commandments of the Lord thy God, which I command thee this day, to observe and to do them:

14

As cha jyndaa oo dy lhiattee, veih veg jeh ny goan ta mee dy harey dhyt jiu, gys y laue yesh, ny gys y laue chiare, dy gholl geiyrt er jeeghyn elley dy hirveish ad.

And thou shalt not go aside from any of the words which I command thee this day, to the right hand, or to the left, to go after other gods to serve them.

15

Agh hig eh gy-kione, mannagh n'eaisht oo rish coraa'n Chiarn dty Yee, dy reayll dy tastagh ooilley e oardaghyn, as e lattyssyn ta mish dy harey dhyt jiu; dy jig ooilley ny mollaghtyn shoh ort, as berree ad ort.

But it shall come to pass, if thou wilt not hearken unto the voice of the Lord thy God, to observe to do all his commandments and his statutes which I command thee this day; that all these curses shall come upon thee, and overtake thee:

16

Bee mollaght ort 'syn ard-valley, as bee mollaght ort 'sy vagher.

Cursed shalt thou be in the city, and cursed shalt thou be in the field.

17

Bee mollaght er dty vaskad, as dty stoyr.

Cursed shall be thy basket and thy store.

18

Bee mollaght er sluight dty chorp, as messyn dty hallooin, ingan dty ollagh, as dty hioltaneyn keyrragh.

Cursed shall be the fruit of thy body, and the fruit of thy land, the increase of thy kine, and the flocks of thy sheep.

19

Bee mollaght ort, tra t'ou cheet stiagh, as bee mollaght ort, tra t'ou goll magh.

Cursed shalt thou be when thou comest in, and cursed shalt thou be when thou goest out.

20

Ver y Chiarn ort kerraghey trome, sproght, as toyrt-mow, ayns dy chooilley nhee t'ou goaill ayns laue; derrey vees oo er dty stroie, as derrey nee oo dy leah cherraghtyn; kyndagh rish olkys dt'obbraghyn, lioroo t'ou er m'y hreigeil.

The Lord shall send upon thee cursing, vexation, and rebuke, in all that thou settest thine hand unto for to do, until thou be destroyed, and until thou perish quickly; because of the wickedness of thy doings, whereby thou hast forsaken me.

21

Ver y Chiarn er y chramp dy lhiantyn dhyt, derrey t'eh er dty choyrt mow ass y cheer, raad t'ou goll dy chummal.

The Lord shall make the pestilence cleave unto thee, until he have consumed thee from off the land, whither thou goest to possess it.

22

Nee'n Chiarn uss y woalley lesh doghan gyn-lheihys, as lesh y chiassaghey, as lesh att, as lesh chiasslostee, as lesh y chliwe, as lesh blest, as lesh mergey: as lhiannee ad dhyt, derrey hed oo naardey.

The Lord shall smite thee with a consumption, and with a fever, and with an inflammation, and with an extreme burning, and with the sword, and with blasting, and with mildew; and they shall pursue thee until thou perish.

23

As bee'n aer, ta erskyn dty chione, myr prash, as y thalloo, ta fo dty chassyn, myr yiarn.

And thy heaven that is over thy head shall be brass, and the earth that is under thee shall be iron.

24

Nee'n Chiarn jannoo fliaghey dty halloo pooder as joan: veih niau hig eh neose ort, derrey vees oo er dty stroie.

The Lord shall make the rain of thy land powder and dust: from heaven shall it come down upon thee, until thou be destroyed.

25

Ver y Chiarn ort dy ve er dty imman roish dty noidyn: hed oo magh un raad nyn 'oï, as chea ersooyl rhymboo shiaght raaidyn, as bee shiu skeaylt fud ooilley reeriaghtyn y thallooin.

The Lord shall cause thee to be smitten before thine enemies: thou shalt go out one way against them, and flee seven ways before them: and shalt be removed into all the kingdoms of the earth.

26

As bee dty challin son beaghey, da ooilley eeanlee'n aer, as da beishtyn ny hooirrey, as cha jean dooinney erbee nyn agglaghey ersooyl.

And thy carcase shall be meat unto all fowls of the air, and unto the beasts of the earth, and no man shall fray them away.

27

Nee'n Chiarn oo y woalley lesh askaidyn Egypt, lesh ny pileyn, as lesh y screb, as lesh y taghys, nagh vod v'er ny lheihys.

The Lord will smite thee with the botch of Egypt, and with the emerods, and with the scab, and with the itch, whereof thou canst not be healed.

28

Nee'n Chiarn oo y woalley lesh mee-cheïlid, as dellid, as lesh angaish cree.

The Lord shall smite thee with madness, and blindness, and astonishment of heart:

29

Nee oo loagan ec y vunlaa, myr ta'n doal 'sy dorraghys, as ny t'ou goaill ayns laue, cha jig eh lhiat: as bee uss dy kinjagh tranlaasit, as spooillit, as cha bee fer-coonee ayd.

And thou shalt grope at noonday, as the blind gropeth in darkness, and thou shalt not prosper in thy ways: and thou shalt be only oppressed and spoiled evermore, and no man shall save thee.

30

Nee oo ben y phoosey, as nee dooinney elley 'ghoaill ee; nee oo thie y hroggal, as cha jean oo cummal ayn: nee oo garey-feeyney hoiaghey, as cha deiy oo yn mess echey.

Thou shalt betroth a wife, and another man shall lie with her: thou shalt build an house, and thou shalt not dwell therein: thou shalt plant a vineyard, and shalt not gather the grapes thereof.

31

Bee dty ghow er ny varroo roish dty hooillyn, as cha n'ee oo veg jeh: bee dty assyl er ny ghoaill ersooyl er niart, kiongoyrt rish dty eddin, as cha vow arragh eh: bee ny kirree ayd er nyn goyrt da dty noidyn, as cha bee fer ayd dy chosney voue ad.

Thine ox shall be slain before thine eyes, and thou shalt not eat thereof: thine ass shall be violently taken away from before thy face, and shall not be restored to thee: thy sheep shall be given unto thine enemies, and thou shalt have none to rescue them.

32

Bee dty vec, as dt' inneenyn er nyn goyrt da pobble joarree, as failee dty hooillyn, lesh jeeaghyn, as lesh goaill foddeeaght nyn yeï fey-ny-laa: as cha bee niart erbee ayns dty laue.

Thy sons and thy daughters shall be given unto another people, and thine eyes shall look, and fail with longing for them all the day long; and there shall be no might in thine hand.

33

Mess dty halloo, as ooilley dty laboragh, nee ashoon, nagh nhione dhyt, gee seose; as bee oo tranlaasit, as freilt fo-chosh dy kinjagh:

The fruit of thy land, and all thy labours, shall a nation which thou knowest not eat up; and thou shalt be only oppressed and crushed alway:

34

Myr shen dy bee oo ass dty cheeayll, lesh ny shillaghyn vees roish dty hooillyn.

So that thou shalt be mad for the sight of thine eyes which thou shalt see.

35

Nee'n Chiarn oo y woalley ayns dty ghlioonyn, as ayns dty lurgaghyn, lesh chingyn gonnagh, nagh vod v'er nyn lheihys, veih boyn dty choshey gys mullagh dty ching.

The Lord shall smite thee in the knees, and in the legs, with a sore botch that cannot be healed, from the sole of thy foot unto the top of thy head.

36

Nee'n Chiarn oo hene, as y ree ver oo harryd, y livrey gys ashoon, vees joarree dhyt's, as da dty ayraghyn: as ayns shen nee shiu shirveish jeeghyn elley, fuygh as clagh.

The Lord shall bring thee, and thy king which thou shalt set over thee, unto a nation which neither thou nor thy fathers have known; and there shalt thou serve other gods, wood and stone.

37

As hig oo dy ve son atchim, as son an-ghoo, as son oltooan, mastey ooilley ny ashoonyn, huc nee'n Chiarn oo y eebyrt.

And thou shalt become an astonishment, a proverb, and a byword, among all nations whither the Lord shall lead thee.

38

Ver oo lhiat mooarane rass magh gys y vagher, agh s'beg ver oo stiagh: son ver y locust eh naardey.

Thou shalt carry much seed out into the field, and shalt gather but little in; for the locust shall consume it.

39

Nee oo garaghyn-feeyney y hoiaghey as lhiasaghey, agh cha jean oo edyr giu jeh'n feeyn, ny'n mess y haglym: son ver ny praddagyn mow ad.

Thou shalt plant vineyards, and dress them, but shalt neither drink of the wine, nor gather the grapes; for the worms shall eat them.

40

Bee biljyn-olive ayd ayns ooilley dty ardjyn, agh cha jean oo oo-hene y ooilaghey: son nee dty villey-olive skah e vess.

Thou shalt have olive trees throughout all thy coasts, but thou shalt not anoint thyself with the oil; for thine olive shall cast his fruit.

41

Nee oo mec as inneenyn y gheddyn, agh cha bee boggey ayd jeu, son hed ad gys cappeeys.

Thou shalt beget sons and daughters, but thou shalt not enjoy them; for they shall go into captivity.

42

Ooilley dty viljyn as dty vess-hallooin ver yn locust naardey.

All thy trees and fruit of thy land shall the locust consume.

43

Yiow'n joarree, ta cummal mayrt, seose foddey er dty skyn: as hig uss sheese feer injil.

The stranger that is within thee shall get up above thee very high; and thou shalt come down very low.

44

Ver eshyn er eeasaght dhyt's, agh cha bee uss son geeasagh dasyn: eshyn vees y chione, as uss yn arbyl.

He shall lend to thee, and thou shalt not lend to him: he shall be the head, and thou shalt be the tail.

45

As hig ooilley ny mollaghtyn shoh ort, as eiyree ad, as berree ad ort, derrey hed oo naardey: son nagh deaisht oo rish coraa'n Chiarn dty Yee, dy reayll ny annaghyn as ny slattyssyn ren eh dty harey.

Moreover all these curses shall come upon thee, and shall pursue thee, and overtake thee, till thou be destroyed; because thou hearkenedst not unto the voice of the Lord thy God, to keep his commandments and his statutes which he commanded thee:

46

As bee ad ort, son cowrey, as son yindys, as er dty luight son dy bragh.

And they shall be upon thee for a sign and for a wonder, and upon thy seed for ever.

47

Er-yn-oyr nagh ren oo yn Chiarn dty Yee y hirveish, lesh boggey, as lesh gennallys cree, son palchey eh dy chooilley nhee:

Because thou servedst not the Lord thy God with joyfulness, and with gladness of heart, for the abundance of all things;

48

Shen-y-fa, nee oo shirveish dty noidyn, ver y Chiarn dt' oï, ayns genney arran, as ushtey, rooisht, as ayns feme jeh dy chooilley nhee: as ver eh yn whing yiarn er dty wannal, derrey t'eh er dty choyrt mow.

Therefore shalt thou serve thine enemies which the Lord shall send against thee, in hunger, and in thirst, and in nakedness, and in want of all things: and he shall put a yoke of iron upon thy neck, until he have destroyed thee.

49

Ver y Chiarn lesh ashoon dt'oï veih foddey, veih ardjyn sodjey magh y theihll, cha bieau as ta'n urley getlagh, ashoon, nagh doig oo yn ghlare oc:

The Lord shall bring a nation against thee from far, from the end of the earth, as swift as the eagle flieth; a nation whose tongue thou shalt not understand;

50

Ashoon lesh eddin ghewil, nagh der geill da persoon y chendeeaght, ny jeeaghyn foayr da'n aegid.

A nation of fierce countenance, which shall not regard the person of the old, nor shew favour to the young:

51

As nee eh gee ingan dty vaase, as mess dty halloo, derrey vees oo stroit: cha vaag eh dhyt arroo, feeyn, ny ooil, ny bishagh dty ollagh, ny dty hioltaneyn keyrragh, derrey t'eh er dty stroie.

And he shall eat the fruit of thy cattle, and the fruit of thy land, until thou be destroyed: which also shall not leave thee either corn, wine, or oil, or the increase of thy kine, or flocks of thy sheep, until he have destroyed thee.

52

As nee eh oo y hionney stiagh lesh caggey ayns ooilley dty yiattyn, derrey t'eh er lhieggal ooilley dty voallaghyn ard as lajer, huc v'ou coyrt dty varrant, trooid ooilley dty heer; as nee eh uss y chruinnaghey stiagh ayns ooilley dty yiattyn, trooid ooilley'n cheer, ta'n Chiarn dty Yee er choyrt dhyt.

And he shall besiege thee in all thy gates, until thy high and fenced walls come down, wherein thou trustedst, throughout all thy land: and he shall besiege thee in all thy gates throughout all thy land, which the Lord thy God hath given thee.

53

As nee oo gee sluight dty chorp hene, feill dty vec as dty inneenyn (ta'n Chiarn dty Yee er choyrt dhyt) ayns y chaggey, as ayns y chennid, lesh nee dty noidyn dty heaghney:

And thou shalt eat the fruit of thine own body, the flesh of thy sons and of thy daughters, which the Lord thy God hath given thee, in the siege, and in the straitness, wherewith thine enemies shall distress thee:

54

Myr shen, y dooinney ta feer seyr as jesheenagh ny-vud eu, bee drogh hooill echey gys e vraar, as da ben e oghrish, as da e chloan vees er-mayrn:

So that the man that is tender among you, and very delicate, his eye shall be evil toward his brother, and toward the wife of his bosom, and toward the remnant of his children which he shall leave:

55

Ayns wheesh, as dy jean eh mooaraghey, dy choyrt daue ayrn jeh feill e chloan, nee eh hene gee: er-yn-oyr nagh vel arragh echey dy ghoaill ayns y chaggey, as ayns y chennid, lesh nee dty noidyn oo y hionney stiagh ayns ooilley dty ard-valjyn.

So that he will not give to any of them of the flesh of his children whom he shall eat: because he hath nothing left him in the siege, and in the straitness, wherewith thine enemies shall distress thee in all thy gates.

56

Yn ven seyr as mettey ny mast' eu nagh jinnagh e cass y choyrt er y laare son moyrn as mettey-ys, bee drogh hooill eck gys sheshey e oghrish, gys e mac, as gys e inneen,

The tender and delicate woman among you, which would not adventure to set the sole of her foot upon the ground for delicateness and tenderness, her eye shall be evil toward the husband of her bosom, and toward her son, and toward her daughter,

57

As gys yn oikan noa-ruggit, as e cloan ver ee son y theihll: son nee ee gee ad dy follit, son feme jeh dy chooilley veaghey, ayns y chruinnid chione-caggee, lesh nee dty noidyn oo y heaghney ayns dty ard-valjyn.

And toward her young one that cometh out from between her feet, and toward her children which she shall bear: for she shall eat them for want of all things secretly in the siege and straitness, wherewith thine enemy shall distress thee in thy gates.

58

Mannagh bee oo imneagh dy chooilleeney ooilley goan y leigh shoh, ta scruit 'sy lioar shoh, dy vod aggle 've ort roish yn ennym gloyroil as agglagh shoh, YN CHIARN DTY YEE;

If thou wilt not observe to do all the words of this law that are written in this book, that thou mayest fear this glorious and fearful name, THE LORD THY GOD;

59

Nee'n Chiarn jannoo dty phlagueyn yindyssagh, as plagueyn dty luight, dy jarroo plagueyn mooarey, as foddey farraghtyn, as doghanyn trome, as foddey farraghtyn.

Then the Lord will make thy plagues wonderful, and the plagues of thy seed, even great plagues, and of long continuance, and sore sicknesses, and of long continuance.

60

As ver eh lesh ort ooilley plagueyn Egypt, v'ou ayns aggle roue; as lhiannee ad dhyt.

Moreover he will bring upon thee all the diseases of Egypt, which thou wast afraid of; and they shall cleave unto thee.

61

Myrgeddin dy chooilley hingys, as dy chooilley phlague, nagh vel scruit ayns lioar y leigh shoh, ad shoh ver y Chiarn lesh ort, derrey vees oo er dty stroie.

Also every sickness, and every plague, which is not written in the book of this law, them will the Lord bring upon thee, until thou be destroyed.

62

As bee shiu faagit beggan ayns earroo, ga dy row shiu myr rollageyn yn aer ayns earroo: er-yn-oyr nagh r'ou biallagh da coraa yn Chiarn dty Yee.

And ye shall be left few in number, whereas ye were as the stars of heaven for multitude; because thou wouldest not obey the voice of the Lord thy God.

63

As hig eh gy-kione, myr ghow yn Chiarn boggey jiu, dy yannoo mie diu, as dy vishaghey shiu: myr shen bee eh aigney yn Chiarn, dy stroie shiu, as dy choyrt shiu gys veg; as bee shiu astyrit ass y cheer, raad ta shiu goll dy chummal ayn.

And it shall come to pass, that as the Lord rejoiced over you to do you good, and to multiply you; so the Lord will rejoice over you to destroy you, and to bring you to nought; and ye shall be plucked from off the land whither thou goest to possess it.

64

As nee'n Chiarn oo y skeayley mastey dy chooilley ashoon, veih'n derrey chione jeh'n theihll gys y chione elley; as ayns shen nee oo jeeghyn elley 'hirveish, nagh vel enney er ve ayd's, ny ec dty ayraghyn orroo, eer fuygh as clagh.

And the Lord shall scatter thee among all people, from the one end of the earth even unto the other; and there thou shalt serve other gods, which neither thou nor thy fathers have known, even wood and stone.

65

As mastey ny ashoonyn shoh, cha vow veg yn aash, chamoo vees aash ec boyn dty choshey: agh ver y Chiarn dhyt ayns shen cree er-creau, as sooillyn moaldey, as sou-aigney.

And among these nations shalt thou find no ease, neither shall the sole of thy foot have rest: but the Lord shall give thee there a trembling heart, and failing of eyes, and sorrow of mind:

66

As bee gaue dty vioys kinjagh kiongoyrt rhyt, as bee oo fo aggle oie as laa, as cha bee shickyrys erbee ayd jeh dty vioys.

And thy life shall hang in doubt before thee; and thou shalt fear day and night, and shalt have none assurance of thy life:

67

Sy voghrey, nee oo gra, Dy ballish Jee, dy beagh y fastyr ayn: as 'syn astyr, nee oo gra, Dy ballish Jee, dy beagh y moghrey ayn, son aggle dty chree, vees ort, as son shilley dty hooillyn, ver oo my-ner.

In the morning thou shalt say, Would God it were even! and at even thou shalt say, Would God it were morning! for the fear of thine heart wherewith thou shalt fear, and for the sight of thine eyes which thou shalt see.

68

As ver y Chiarn lesh oo reesht gy Egypt, lesh lhuingys, rish y raad my-e-chione loayr mee rhyt, gra, Cha vaik oo eh arragh: as shen y raad vees shiu chebbit dy ve er nyn greck rish nyn noidyn, son fir-vooinjerey, as inneenyn-veyl, as cha jean ad shiu y chionnaghey.

And the Lord shall bring thee into Egypt again with ships, by the way whereof I spake unto thee, Thou shalt see it no more again: and there ye shall be sold unto your enemies for bondmen and bondwomen, and no man shall buy you.