The Bible


My vees streeu eddyr deiney, as dy der ad lhieu yn chooish fenish ny briwnyn eisht nee ad seyrey'n dooinney cairagh, as deyrey'n vee-chairagh.

If there be a controversy between men, and they come unto judgment, that the judges may judge them; then they shall justify the righteous, and condemn the wicked.


As my vees eh ry-gheddyn, dy vel y fer kyndagh toilchin buillaghyn, dy der y briw er dy lhie sheese, as eh dy ve scuitchit ny enish; cordail rish e oill, whilleen scuitch shen.

And it shall be, if the wicked man be worthy to be beaten, that the judge shall cause him to lie down, and to be beaten before his face, according to his fault, by a certain number.


Cha negin erskyn da-eed builley ve er ny choyrt da: er-aggle my hed eh harrish shoh, dy bee dty vraar eisht dwoaiagh ayns dty hilley.

Forty stripes he may give him, and not exceed: lest, if he should exceed, and beat him above these with many stripes, then thy brother should seem vile unto thee.


Cha giangle oo beeal y dow, choud's t'eh stampey magh yn arroo.

Thou shalt not muzzle the ox when he treadeth out the corn.


My ta braaraghyn cummal cooidjagh, as fer jeu dy gheddyn baase gyn cloan, cha jean ben y varroo poosey, ass e kynney, rish joarree: te kainlt er braar y dooinney dy ghoaill ee son ben da hene, as dy chooilleeney r'ee currym y vraar t'er n'immeeaght.

If brethren dwell together, and one of them die, and have no child, the wife of the dead shall not marry without unto a stranger: her husband's brother shall go in unto her, and take her to him to wife, and perform the duty of an husband's brother unto her.


As nee'n chied lhiannoo ver ee son y theihll, fo ennym yn braar ta marroo, cheet stiagh 'syn eiraght, nagh bee'n ennym echey callit ayns Israel.

And it shall be, that the firstborn which she beareth shall succeed in the name of his brother which is dead, that his name be not put out of Israel.


As mannagh vel e haitnys dy phoosey ben e vraarey, eisht lhig da ben e vraarey goll gys giat y chanstyr, as gra, Ta braar my heshey gobbal dy reayll seose ennym e vraar ayns Israel, cha jean eh cooilleeney currym braarey my heshey.

And if the man like not to take his brother's wife, then let his brother's wife go up to the gate unto the elders, and say, My husband's brother refuseth to raise up unto his brother a name in Israel, he will not perform the duty of my husband's brother.


Eisht nee shanstyr yn ard-valley sumney eh, as loayrt rish: as my nee eh shassoo magh; as gra, Cha nee m'aigney eh dy ghoaill ee:

Then the elders of his city shall call him, and speak unto him: and if he stand to it, and say, I like not to take her;


Eisht hig ben e vraarey huggey, ayns fenish y chanstyr, as nee ee e vraag y eaysley jeh e chass, as nee ee shelley y cheau 'sy e eddin, as gansoor, as gra, Shoh myr vees eh jeant rish y dooinney, nagh jean cummal seose thie e vraarey.

Then shall his brother's wife come unto him in the presence of the elders, and loose his shoe from off his foot, and spit in his face, and shall answer and say, So shall it be done unto that man that will not build up his brother's house.


As shoh'n ennym yiow e hie ayns Israel, Thie fer ny cosheyrooisht.

And his name shall be called in Israel, The house of him that hath his shoe loosed.


Tra ta deiney tuittym magh ry-cheilley, as my hig ben-heshey yn derrey yeh jeu eddyr ad, dy livrey e sheshey ass y laue echeysyn ta dy woalley eh, as lesh e laue gremmey eh 'sy ghoall:

When men strive together one with another, and the wife of the one draweth near for to deliver her husband out of the hand of him that smiteth him, and putteth forth her hand, and taketh him by the secrets:


Bee e laue er ny yiarey j'ee, cha bee chymmey ec dty hooill urree.

Then thou shalt cut off her hand, thine eye shall not pity her.


Cha bee ayd ayns dty spagey, caghlaa dy chlaghyn-meih, trome as eddrym.

Thou shalt not have in thy bag divers weights, a great and a small.


Cha bee ayd ayns dty hie caghlaa siyn-towse, mooar as beg.

Thou shalt not have in thine house divers measures, a great and a small.


Agh meih kiart as lowal, as towse kiart as lowal vees ayd: dy vod dty laghyn ve beayn 'sy cheer ta'n Chiarn dty Yee dy choyrt dhyt.

But thou shalt have a perfect and just weight, a perfect and just measure shalt thou have: that thy days may be lengthened in the land which the Lord thy God giveth thee.


Son ta ooilley ta coyrt rish lheid ny cliaghtaghyn, as ooilley ta jannoo dy neu-ynrick, feohdoil da'n Chiarn dty Yee,

For all that do such things, and all that do unrighteously, are an abomination unto the Lord thy God.


Cooinee ny ren Amalek; rhyt's er y raad, tra haink shiu magh ass Egypt:

Remember what Amalek did unto thee by the way, when ye were come forth out of Egypt;


Kys huit eh ort er y raad, as woaill eh adsyn v'er jerrey, eer adsyn ooilley va moal cheu dty chooylloo, tra v'ou deinagh as tooillit; as cha row aggle Yee roish.

How he met thee by the way, and smote the hindmost of thee, even all that were feeble behind thee, when thou wast faint and weary; and he feared not God.


Shen-y-fa, tra ver y Chiarn dty Yee fea dhyt, veih ooilley dty noidyn er dy chooilley heu, ayns y cheer ta'n Chiarn dty Yee dy choyrt dhyt, son eiraght dy chummal ayn, dy der oo ass cooinaghtyn ennym Amalek dy bollagh fo niau; jeeagh nagh jarrood oo eh.

Therefore it shall be, when the Lord thy God hath given thee rest from all thine enemies round about, in the land which the Lord thy God giveth thee for an inheritance to possess it, that thou shalt blot out the remembrance of Amalek from under heaven; thou shalt not forget it.