The Bible

1

Tra t'ou goll magh dy chaggey noi dty noidyn, as fakin cabbil, as fainee, as sleih ny shlee ayns earroo na oo hene, ny gow aggle roue: son ta'n Chiarn dty Yee mayrt, hug lesh uss magh ass cheer Egypt.

When thou goest out to battle against thine enemies, and seest horses, and chariots, and a people more than thou, be not afraid of them: for the Lord thy God is with thee, which brought thee up out of the land of Egypt.

2

As hig eh gy-kione, tra ta shiu er dayrn er-gerrey gys y chaggey, dy shass y saggyrt magh, as loayree eh rish y pobble.

And it shall be, when ye are come nigh unto the battle, that the priest shall approach and speak unto the people,

3

As jir eh roo, Eaisht, O Israel, ta shiu tayrn yn laa jiu er-gerrey gys caggey noi nyn noidyn; ny caill-jee nyn gree, ny gow-jee aggle, as ny bee-jee ercreau, ny fo atchim erbee kyndagh roo:

And shall say unto them, Hear, O Israel, ye approach this day unto battle against your enemies: let not your hearts faint, fear not, and do not tremble, neither be ye terrified because of them;

4

Son ta'n Chiarn nyn Yee eshyn ta goll meriu, dy chaggey er nyn son noi nyn noidyn, dy hauail shiu.

For the Lord your God is he that goeth with you, to fight for you against your enemies, to save you.

5

As nee ny leeideilee fockley magh ayns clashtyn y cheshaght, gra, Quoi'n dooinney t'er hroggal thie noa, as nagh vel er chasherickey eh? Lhig da goll dy chummal gys e hie, er-aggle dy duit eh 'sy chaggey, as dooinney elley dy ghoaill soylley jeh.

And the officers shall speak unto the people, saying, What man is there that hath built a new house, and hath not dedicated it? let him go and return to his house, lest he die in the battle, and another man dedicate it.

6

As dooinney erbee t'er hoiaghey garey feeyney, as nagh vel foast er n'ee jeh, lhig dasyn neesht, chyndaa gys e hie, er-aggle dy bee eh er ny varroo 'sy chaggey, as dooinney elley dy ghoaill soylley jeh.

And what man is he that hath planted a vineyard, and hath not yet eaten of it? let him also go and return unto his house, lest he die in the battle, and another man eat of it.

7

As dooinney erbee ta nasht rish ben, as nagh vel foast er phoosey ee, lhig dasyn goll roish gys e hie, nagh bee eh er ny varroo 'sy chaggey, as dy gow dooinney elley ee.

And what man is there that hath betrothed a wife, and hath not taken her? let him go and return unto his house, lest he die in the battle, and another man take her.

8

As nee ny leeideilee loayrt ny sodjey rish y cheshaght, as jir ad, Dooinney erbee ta aggle er, as lhagchreeagh, lhig da goll roish gys e hie, nagh lhaggee eh cree e vraaraghyn myr y cree echey hene.

And the officers shall speak further unto the people, and they shall say, What man is there that is fearful and fainthearted? let him go and return unto his house, lest his brethren's heart faint as well as his heart.

9

As tra vees ny leeideilee erreish loayrt rish y cheshaght, dy jean ad soiaghey captanyn er ny sheshaghtyn, dy leeideil y pobble.

And it shall be, when the officers have made an end of speaking unto the people that they shall make captains of the armies to lead the people.

10

Tra hig oo er-gerrey da ard-valley dy chaggey n'oï, eisht nee co chebbal shee da.

When thou comest nigh unto a city to fight against it, then proclaim peace unto it.

11

As my ver eh ansoor sheeoil dhyt, as cur fosley dhyt, eisht bee ooilley'n pobble ta ry-gheddyn ayn fo keesh dhyt, as bee ad fo dty reill.

And it shall be, if it make thee answer of peace, and open unto thee, then it shall be, that all the people that is found therein shall be tributaries unto thee, and they shall serve thee.

12

As mannagh jean eh shee rhyt, agh shassoo magh ayns caggey dt'oï, nee oo eisht eh y chruinnaghey stiagh.

And if it will make no peace with thee, but will make war against thee, then thou shalt besiege it:

13

As tra ta'n Chiarn dty Yee er livrey eh gys dty laue, nee oo bwoalley dy chooilley ghooinney t'ayn lesh foyr y chliwe.

And when the Lord thy God hath delivered it into thine hands, thou shalt smite every male thereof with the edge of the sword:

14

Agh ny mraane, as y chloan, as y maase as ooilley ny t'ayns yn ard-valley, eer ooilley yn spooilley echey, nee oo goaill dhyt hene: as freayll dty chour hene spooilley dty noidyn, ta'n Chiarn dty Yee er choyrt dhyt.

But the women, and the little ones, and the cattle, and all that is in the city, even all the spoil thereof, shalt thou take unto thyself; and thou shalt eat the spoil of thine enemies, which the Lord thy God hath given thee.

15

Myr shoh nee oo rish ooilley ny ard-valjyn ta feer foddey voïd, nagh vel jeh ard-valjyn ny ashoonyn shoh.

Thus shalt thou do unto all the cities which are very far off from thee, which are not of the cities of these nations.

16

Agh jeh ard-valjyn y pobble shoh, ta'n Chiarn dty Yee dy choyrt dhyt son eiraght, cha jean oo sauail bio cretoor dy vel ennal ayn:

But of the cities of these people, which the Lord thy God doth give thee for an inheritance, thou shalt save alive nothing that breatheth:

17

Agh nee oo dy bollagh stroie ad, ta shen, ny Hittiteyn, as ny Amoriteyn, ny Canaaniteyn, as ny Perizziteyn, ny Hiviteyn, as ny Jebusiteyn, myr ta'n Chiarn dty Yee er dty harey:

But thou shalt utterly destroy them; namely, the Hittites, and the Amorites, the Canaanites, and the Perizzites, the Hivites, and the Jebusites; as the Lord thy God hath commanded thee:

18

Nagh nynsee ad oo dy yannoo lurg ooilley ny cliaghtaghyn eajee oc, t'ad er n'yannoo gys ny jeeghyn oc hene, as shiu myr shoh dy yannoo peccah noi'n Chiarn y Jee eu.

That they teach you not to do after all their abominations, which they have done unto their gods; so should ye sin against the Lord your God.

19

Tra vees oo cruinnaghey ard-valley ry-foddey dy hraa, ayns caggey n'oï dy ghoaill eh, cha jean oo stroie ny biljyn echey, ny giarey ad sheese lesh teigh: son foddee oo gee jeu, as cha jean oo giarey ad sheese, dy yannoo ymmyd jeu 'sy chaggey, son ta billey'n vagher shirveish beaghey da dooinney.

When thou shalt besiege a city a long time, in making war against it to take it, thou shalt not destroy the trees thereof by forcing an axe against them: for thou mayest eat of them, and thou shalt not cut them down (for the tree of the field is man's life) to employ them in the siege:

20

Agh ny biljyn ta fys ayd nagh vel son beaghey, ad shoh foddee oo stroie as lhieggal, as nee oo troggal bulwarkyn noi'n ard-valley ta caggey rhyt, derrey vees eh er ny stroie.

Only the trees which thou knowest that they be not trees for meat, thou shalt destroy and cut them down; and thou shalt build bulwarks against the city that maketh war with thee, until it be subdued.