The Bible


Loayr y Chiarn rish Moses, gra,

And the Lord spake unto Moses, saying,


My ta persoon erbee jannoo peccah as loght noi'n Chiarn, as dy breagagh gobbal da e naboo shen ny va currit da, fo e churrym, ny ayns dellal, ny ayns nhee erbee t'er ny ghoaill ersooyl lesh tranlaase, ny ta er volley e naboo:

If a soul sin, and commit a trespass against the Lord, and lie unto his neighbour in that which was delivered him to keep, or in fellowship, or in a thing taken away by violence, or hath deceived his neighbour;


Ny ta er gheddyn cooid-chailjey, as lesh breg dy cheiltyn eh, as goaill loo oaiagh; jannoo peccah ayns veg jeh ooilley ny reddyn shoh:

Or have found that which was lost, and lieth concerning it, and sweareth falsely; in any of all these that a man doeth, sinning therein:


Eisht son dy vel eh er n'yannoo peccah, as dy vel eh oolee, nee eh chyndaa reesht shen ny ghow eh ersooyl lesh tranlaase, ny shen t'eh er gheddyn dy molteyragh ny shen va currit da dy hashtey, ny'n chooid-chailjey t'eh er gheddyn,

Then it shall be, because he hath sinned, and is guilty, that he shall restore that which he took violently away, or the thing which he hath deceitfully gotten, or that which was delivered him to keep, or the lost thing which he found,


Ny ooilley shen, my-e-chione t'eh er loo dy oaiagh; shen hene nee eshyn dy slane chyndaa reesht, as yn wheiggoo ayrn smoo y chur huggey, as ver eh shen dasyn te cair, er laa'n oural-loght echey.

Or all that about which he hath sworn falsely; he shall even restore it in the principal, and shall add the fifth part more thereto, and give it unto him to whom it appertaineth, in the day of his trespass offering.


As ver eh lesh yn oural-loght echey gys y Chiarn, rea gyn lheamys ass y chioltane, marish yn ooley, son oural-loght gys y taggyrt.

And he shall bring his trespass offering unto the Lord, a ram without blemish out of the flock, with thy estimation, for a trespass offering, unto the priest:


As nee'n saggyrt lhiasaghey 'yannoo er e hon, fenish y Chiarn; as bee eh er ny leih da, son cre-erbee yn aggair t'eh er n'yannoo.

And the priest shall make an atonement for him before the Lord: and it shall be forgiven him for any thing of all that he hath done in trespassing therein.


As loayr y Chiarn rish Moses, gra,

And the Lord spake unto Moses, saying,


Oardee da Aaron as e vec, gra, Shoh leigh yn oural-losht: (she'n oural-losht eh, er-yn-oyr dy vel eh lostey er yn altar fud-ny-hoie gys y voghrey, as bee aile yn altar lostey er)

Command Aaron and his sons, saying, This is the law of the burnt offering: It is the burnt offering, because of the burning upon the altar all night unto the morning, and the fire of the altar shall be burning in it.


As ver y saggyrt e gharmad aanrit mysh, as e vreechyn aanrit y choyrt er, as gow-ee eh ersooyl yn leoie ta'n aile er n'yannoo, lesh yn oural-losht er yn altar, as shen y choyrt rish lhiattee yn altar.

And the priest shall put on his linen garment, and his linen breeches shall he put upon his flesh, and take up the ashes which the fire hath consumed with the burnt offering on the altar, and he shall put them beside the altar.


As ver eh e gharmadyn jeh, as e gharmadyn elley y choyrt mysh, as ver eh lesh magh y leoie cheu-mooie jeh'n champ, gys boayl glen.

And he shall put off his garments, and put on other garments, and carry forth the ashes without the camp unto a clean place.


As bee'n aile er yn altar lostey ayn; cha bee eh mooghit: as nee'n saggyrt lostey fuygh er shen dy chooilley voghrey, as kiartee eh yn oural-losht er, as nee eh eeh ny ourallyn-shee y lostey er.

And the fire upon the altar shall be burning in it; it shall not be put out: and the priest shall burn wood on it every morning, and lay the burnt offering in order upon it; and he shall burn thereon the fat of the peace offerings.


Bee'n aile kinjagh lostey er yn altar: cha bee eh dy bragh lhiggit ass.

The fire shall ever be burning upon the altar; it shall never go out.


As shoh leigh yn oural-arran: Nee mec Aaron shen y hebbal fenish y Chiarn, roish yn altar.

And this is the law of the meat offering: the sons of Aaron shall offer it before the Lord, before the altar.


As nee eh goaill lane e ghurn jeh flooyr yn oural-arran, as jeh'n uill echey, as ooilley'n frankincense t'er yn oural-arran, as shen y lostey er yn altar, son cowrey dy hoar millish da'n Chiarn.

And he shall take of it his handful, of the flour of the meat offering, and of the oil thereof, and all the frankincense which is upon the meat offering, and shall burn it upon the altar for a sweet savour, even the memorial of it, unto the Lord.


As y chooid elley jeh shen nee Aaron as e vec gee: lesh arran gyn soorit vees shen er ny ee 'syn ynnyd casherick: ayns cooyrt y chabbane-agglish nee ad gee eh.

And the remainder thereof shall Aaron and his sons eat: with unleavened bread shall it be eaten in the holy place; in the court of the tabernacle of the congregation they shall eat it.


Cha bee shen er ny aarlaghey lesh soorit: ta mish er choyrt shen daue son nyn ayrn jeh ny ourallyn aym's jeant lesh aile; te smoo casherick, myr ta'n oural-peccah, as yn oural-loght.

It shall not be baken with leaven. I have given it unto them for their portion of my offerings made by fire; it is most holy, as is the sin offering, and as the trespass offering.


Nee ooilley ny fyrrynee mastey mec Aaron gee jeh: bee shoh slattys son dy bragh ayns nyn sheelogheyn mychione ourallyn y Chiarn jeant lesh aile: Bee dagh unnane vennys roo casherick.

All the males among the children of Aaron shall eat of it. It shall be a statute for ever in your generations concerning the offerings of the Lord made by fire: every one that toucheth them shall be holy.


As loayr y Chiarn rish Moses, gra,

And the Lord spake unto Moses, saying,


Shoh oural Aaron as e vec, nee ad chebbal da'n Chiarn, er y laa vees eh er ny ooilaghey; yn jeihoo ayrn jeh ephah dy flooyr meein son oural-arran kinjagh, lieh jeh 'sy voghrey, as lieh jeh ec yn oie.

This is the offering of Aaron and of his sons, which they shall offer unto the Lord in the day when he is anointed; the tenth part of an ephah of fine flour for a meat offering perpetual, half of it in the morning, and half thereof at night.


Ayns pan vees eh jeant lesh ooil, as tra te aarlit, ver oo lhiat stiagh eh: as ny peeshyn aarlit jeh'n oural-arran nee oo chebbal son soar millish gys y Chiarn.

In a pan it shall be made with oil; and when it is baken, thou shalt bring it in: and the baken pieces of the meat offering shalt thou offer for a sweet savour unto the Lord.


As yn saggyrt jeh ny mec echeysyn, t'er ny ooilaghey 'syn ynnyd echey, nee shen y hebbal: Te slattys kinjagh gys y Chiarn, bee eh dy slane er ny lostey.

And the priest of his sons that is anointed in his stead shall offer it: it is a statute for ever unto the Lord; it shall be wholly burnt.


Son bee dagh oural-arran gour y taggyrt dy slane er ny lostey: cha bee eh er ny ee.

For every meat offering for the priest shall be wholly burnt: it shall not be eaten.


As loayr y Chiarn rish Moses, gra,

And the Lord spake unto Moses, saying,


Abbyr rish Aaron as rish e vec, gra, Shoh leigh yn oural-peccah: 'Syn ynnyd raad ta'n oural-losht er ny varroo, vees yn oural-peccah er ny varroo fenish y Chiarn: te ard casherick.

Speak unto Aaron and to his sons, saying, This is the law of the sin offering: In the place where the burnt offering is killed shall the sin offering be killed before the Lord: it is most holy.


Nee'n saggyrt ta chebbal shen son peccah, gee eh: 'syn ynnyd casherick vees eh er ny ee, ayns cooyrt y chabbane-agglish.

The priest that offereth it for sin shall eat it: in the holy place shall it be eaten, in the court of the tabernacle of the congregation.


Cre-erbee vennys rish yn eill echey, bee shen casherick: as tra ta veg jeh'n uill echey spreiht er garmad erbee, nee oo shen, ve spreiht er, y niee 'syn ynnyd casherick.

Whatsoever shall touch the flesh thereof shall be holy: and when there is sprinkled of the blood thereof upon any garment, thou shalt wash that whereon it was sprinkled in the holy place.


Agh y saagh craie, ve broit ayn, bee shen er ny vrishey: as my vees y broit ayns pot prashey, bee shen chammah scoorit, as strullit ayns ushtey.

But the earthen vessel wherein it is sodden shall be broken: and if it be sodden in a brasen pot, it shall be both scoured, and rinsed in water.


Nee ooilley ny fyrrynee mastey ny saggyrtyn gee jeh: te ard casherick.

All the males among the priests shall eat thereof: it is most holy.


As cha bee oural-peccah erbee, jeh ta veg jeh'n uill er ny choyrt lesh stiagh 'sy chabbane-agglish, dy yannoo lhiasaghey lesh 'syn ynnyd casherick, er ny ee: bee eh er ny lostey ayns yn aile.

And no sin offering, whereof any of the blood is brought into the tabernacle of the congregation to reconcile withal in the holy place, shall be eaten: it shall be burnt in the fire.