The Bible

1

As haggil Moses slane sheshaght chloan Israel dy cheilley, as dooyrt eh roo, Shoh ny goan ta'n Chiarn er harey diuish dy chooilleeney.

And Moses gathered all the congregation of the children of Israel together, and said unto them, These are the words which the Lord hath commanded, that ye should do them.

2

Shey laa nee shiu gobbraghey, agh bee'n chiaghtoo laa feailley diuish, doonaght dy aash da'n Chiarn: quoi-erbee nee obbyr er, bee eh er ny choyrt gy baase.

Six days shall work be done, but on the seventh day there shall be to you an holy day, a sabbath of rest to the Lord: whosoever doeth work therein shall be put to death.

3

Cha jean shiu aile y oaddey trooid magh nyn gummallyn er y doonaght.

Ye shall kindle no fire throughout your habitations upon the sabbath day.

4

As loayr Moses rish ooilley cochruinaght chloan Israel, gra, Shoh'n red ta'n Chiarn er harey, gra,

And Moses spake unto all the congregation of the children of Israel, saying, This is the thing which the Lord commanded, saying,

5

Trog-jee ny-vud eu hene chebbal da'n Chiarn: Quoi-erbee ta jeh cree feoiltagh, lhig da cur lesh eh son chebbal da'n Chiarn; airh, as argid, as prash,

Take ye from among you an offering unto the Lord: whosoever is of a willing heart, let him bring it, an offering of the Lord; gold, and silver, and brass,

6

As gorrym, as purple, as scarleod, as aanrit keyl, as geaysh ghoair,

And blue, and purple, and scarlet, and fine linen, and goats' hair,

7

As craitnyn rea daahit jiarg, as craitnyn badjer, as fuygh-shittim,

And rams' skins dyed red, and badgers' skins, and shittim wood,

8

As ooil son soilshey, as spiceyn son ooil casherick, as son yn oural-millish,

And oil for the light, and spices for anointing oil, and for the sweet incense,

9

As claghyn-onyx, as claghyn gour yn ephod, as y vreast-plate.

And onyx stones, and stones to be set for the ephod, and for the breastplate.

10

As nee dy chooilley unnane ta schleioil ny mast' eu cheet, as jannoo ooilley ny ta'n Chiarn er harey;

And every wise hearted among you shall come, and make all that the Lord hath commanded;

11

Yn cabbane-agglish, e chabbane, e choodagh, holteryn, as e vuird, e varryn, e phillaryn, as e socketyn;

The tabernacle, his tent, and his covering, his taches, and his boards, his bars, his pillars, and his sockets,

12

Yn arg as e looghyn, marish stoyl y vyghin, as y curtan-coodee,

The ark, and the staves thereof, with the mercy seat, and the vail of the covering,

13

Yn boayrd as e looghyn, as ooilley ny siyn, as yn arran casherick,

The table, and his staves, and all his vessels, and the shewbread,

14

Yn kainlere myrgeddin son soilshey, as e yeshaghtyn, as e lampyn, lesh ooil son y soilshey,

The candlestick also for the light, and his furniture, and his lamps, with the oil for the light,

15

As altar yn oural-incense, as e looghyn, as yn ooil casherick, as yn oural-millish, as curtan y dorrys, ec goll stiagh y chabbane-agglish,

And the incense altar, and his staves, and the anointing oil, and the sweet incense, and the hanging for the door at the entering in of the tabernacle,

16

Altar yn oural-losht lesh e ghrate prash, e looghyn, as ooilley e siyn, yn tobbyr-oonlee as e stoyl,

The altar of burnt offering, with his brasen grate, his staves, and all his vessels, the laver and his foot,

17

Curtanyn ny cooyrtey, e phillaryn, as nyn socketyn, as y curtan son dorrys y chooyrt,

The hangings of the court, his pillars, and their sockets, and the hanging for the door of the court,

18

Kibbinyn y chabbane-agglish, as kibbinyn y chooyrt, as ny coardyn oc,

The pins of the tabernacle, and the pins of the court, and their cords,

19

As coamraghyn y chirveish, dy yannoo shirveish 'syn ynnyd casherick, ny garmadyn casherick son Aaron y saggyrt, as garmadyn e vec dy yannoo shirveish ayns oik y taggyrtys.

The cloths of service, to do service in the holy place, the holy garments for Aaron the priest, and the garments of his sons, to minister in the priest's office.

20

As ren ooilley co-chruinaght chloan Israel goll roue veih kionfenish Voses.

And all the congregation of the children of Israel departed from the presence of Moses.

21

As haink ad, dy chooilley unnane ren e chree y ghreinnaghey, as dagh unnane va jeh spyrryd aggindagh, as hug ad lhieu oural y Chiarn gour obbyr y chabbane-agglish, as gour ooilley e hirveish, as gour ny garmadyn casherick.

And they came, every one whose heart stirred him up, and every one whom his spirit made willing, and they brought the Lord's offering to the work of the tabernacle of the congregation, and for all his service, and for the holy garments.

22

As haink ad chammah deiney as mraane, whilleen as va jeh cree feoilt, as hug ad lhieu braceletyn, as fainaghyn-cleayshey, as fainaghyn, as broachyn, ooilley jewelyn airhey: as ren dy chooilley ghooinney chebbal oural airh gys y Chiarn.

And they came, both men and women, as many as were willing hearted, and brought bracelets, and earrings, and rings, and tablets, all jewels of gold: and every man that offered offered an offering of gold unto the Lord.

23

As ren dy chooilley ghooinney va nyn lhied echey cur lesh gorrym, as purple, as scarleod, as aanrit keyl, as fynney ghoair, as craitnyn jiarg rea, as craitnyn badjer.

And every man, with whom was found blue, and purple, and scarlet, and fine linen, and goats' hair, and red skins of rams, and badgers' skins, brought them.

24

Dy chooilley unnane, heb oural dy argid as prash, hug ad lhieu chebbal y Chiarn, as dy chooilley ghooinney va fuygh-shittim echey gour obbyr erbee jeh'n chirveish, hug eh lesh eh.

Every one that did offer an offering of silver and brass brought the Lord's offering: and every man, with whom was found shittim wood for any work of the service, brought it.

25

As ren dy chooilley ven schleioil sneeu lesh e laueyn, as hug ad lhieu shen ny v'ad er sneeu, chammah gorrym, as purple, as scarleod, as aanrit keyl.

And all the women that were wise hearted did spin with their hands, and brought that which they had spun, both of blue, and of purple, and of scarlet, and of fine linen.

26

As ren dy chooilley ven schleioil sneeu geaysh ghoair.

And all the women whose heart stirred them up in wisdom spun goats' hair.

27

As hug ny fir-reill lhieu claghyn-onyx, as claghyn dy ve soit er yn ephod, as er y vreast-plate,

And the rulers brought onyx stones, and stones to be set, for the ephod, and for the breastplate;

28

As spiceyn, as ooil son y soilshey as son yn ooil casherick, as son yn oural-millish.

And spice, and oil for the light, and for the anointing oil, and for the sweet incense.

29

Hug cloan Israel lhieu chebbal arryltagh da'n Chiarn; dy chooilley ghooinney as ben jeh cree feoilt, dy choyrt lhieu dy chooilley vonney d'obbyr, va'n Chiarn er harey liorish Moses, dy ve jeant.

The children of Israel brought a willing offering unto the Lord, every man and woman, whose heart made them willing to bring for all manner of work, which the Lord had commanded to be made by the hand of Moses.

30

As dooyrt Moses rish cloan Israel, Cur-jee my-ner, ta'n Chiarn er n'enmys er-lheh Bezaleel mac Uri, mac Hur, jeh tribe Yudah.

And Moses said unto the children of Israel, See, the Lord hath called by name Bezaleel the son of Uri, the son of Hur, of the tribe of Judah;

31

As t'eh er lhieeney eh lesh spyrryd Yee, ayns creenaght, ayns tushtey, as ayns keeayll as ayns dy chooilley vonney dy obbyr;

And he hath filled him with the spirit of God, in wisdom, in understanding, and in knowledge, and in all manner of workmanship;

32

As dy chummey obbraghyn costal, dy obbraghey ayns airh, as ayns argid, as ayns prash,

And to devise curious works, to work in gold, and in silver, and in brass,

33

As ayns cummey claghyn ry-hoi soiaghey ad, as ayns grainnaghey fuygh, ry-hoi dy chooilley vonney dy obbyr schleioil.

And in the cutting of stones, to set them, and in carving of wood, to make any manner of cunning work.

34

As t'eh er choyrt da creenaght dy ynsaghey feallagh elley, chammagh eh hene, as Aholiab mac Ahisamach jeh tribe Dan.

And he hath put in his heart that he may teach, both he, and Aholiab, the son of Ahisamach, of the tribe of Dan.

35

Ad shoh t'eh er lhieeney lesh creenaght chree, dy yannoo dy chooilley vonney dy obbyr, jeh'n ghrainneyder, as jeh'n obbree schleioil, as jeh'n obbree-snaidey laatshagh, ayns gorrym, as ayns purple, ayns scarleod as ayns aanrit keyl, as obbyr fidderagh, eer jeusyn ta jannoo obbyr erbee, jeusyn ta aghtal dy chummey obbraghyn schleioil.

Them hath he filled with wisdom of heart, to work all manner of work, of the engraver, and of the cunning workman, and of the embroiderer, in blue, and in purple, in scarlet, and in fine linen, and of the weaver, even of them that do any work, and of those that devise cunning work.