The Bible

1. And it came to pass after these things, that one told Joseph, Behold, thy father is sick: and he took with him his two sons, Manasseh and Ephraim. As haink eh gy-kione lurg ny reddyn shoh, dy row eh er ny insh da Joseph, Cur-my-ner, ta dty ayr ching: as ghow eh marish e ghaa vac, Manasseh as Ephraim.
2. And one told Jacob, and said, Behold, thy son Joseph cometh unto thee: and Israel strengthened himself, and sat upon the bed. As dinsh ad da Jacob, gra, Cur-my-ner ta dty vac Joseph, cheet dy dty yeeaghyn: as hrog shoh cree Israel, dy hoie eh seose 'sy lhiabbee.
3. And Jacob said unto Joseph, God Almighty appeared unto me at Luz in the land of Canaan, and blessed me, As dooyrt Jacob, Hoilshee Jee ooilley niartal eh hene dooys ec Luz, ayns cheer Chanaan, as vannee eh mee.
4. And said unto me, Behold, I will make thee fruitful, and multiply thee, and I will make of thee a multitude of people; and will give this land to thy seed after thee for an everlasting possession. As dooyrt eh rhym, Cur-my-ner, neem's uss messoil, as bisheeym oo, as ver-ym er earroo dy leih dy heet jeed, as ver-yms y cheer shoh, da dty luight dty yeï, son eiraght dy bragh farraghtyn.
5. And now thy two sons, Ephraim and Manasseh, which were born unto thee in the land of Egypt before I came unto thee into Egypt, are mine; as Reuben and Simeon, they shall be mine. As nish er son dty ghaa vac, Ephraim as Manasseh, va ruggit dhyt ayns cheer Egypt, roish my daink mish hood gys Egypt, she lhiam's ad: myr Reuben as Simeon, bee ad lhiam's.
6. And thy issue, which thou begettest after them, shall be thine, and shall be called after the name of their brethren in their inheritance. As dty luight, nee uss y gheddyn ny lurg oc, lhiat's vees ad, as bee ad er n'enmys lurg ennym nyn mraaraghyn ayns yn eiraght oc.
7. And as for me, when I came from Padan, Rachel died by me in the land of Canaan in the way, when yet there was but a little way to come unto Ephrath: and I buried her there in the way of Ephrath; the same is Bethlehem. As er my hon's, tra haink mee veih Padan, hooar Rachel baase liorym, ayns cheer Chanaan, er y raad, tra nagh row foast agh tammylt beg dy raad dy gholl gys Ephrath: as doanluck mee ee ayns shen, ayns raad Ephrath, ta'n boayl cheddin Beth-lehem.
8. And Israel beheld Joseph's sons, and said, Who are these? As yeeagh Israel er mec Yoseph, as dooyrt eh, Quoi ad shoh?
9. And Joseph said unto his father, They are my sons, whom God hath given me in this place. And he said, Bring them, I pray thee, unto me, and I will bless them. As dooyrt Joseph rish e ayr, Ny mec aym's ad, ta Jee er choyrt dou 'syn ynnyd shoh: as dooyrt eh, Cur lhiat ad, ta mee guee ort, hym's, as verym my vannaght daue.
10. Now the eyes of Israel were dim for age, so that he could not see. And he brought them near unto him; and he kissed them, and embraced them. Nish va sooillyn Israel moal lesh eash, myr shen nagh bleayr da dy mie; as hug eh lesh ad er-gerrey da; as phaag eh ad, as ghow eh ad ayns e roihaghyn.
11. And Israel said unto Joseph, I had not thought to see thy face: and, lo, God hath shewed me also thy seed. As dooyrt Israel rish Joseph, Cha smooinee mee d'akin dt'eddin: as cur-my-ner, ta Jee er yeeaghyn dou dty luight myrgeddin.
12. And Joseph brought them out from between his knees, and he bowed himself with his face to the earth. As ghow Joseph ad veih eddyr e ghlioonyn, as chroym eh sheese lesh e eddin gys y thalloo.
13. And Joseph took them both, Ephraim in his right hand toward Israel's left hand, and Manasseh in his left hand toward Israel's right hand, and brought them near unto him. As ghow Joseph ad nyn neesht, Ephraim 'sy laue yesh, gys laue chiare Israel; as Manasseh 'sy laue chiare, gys laue yesh Israel, as hug eh lesh ad er-gerrey da.
14. And Israel stretched out his right hand, and laid it upon Ephraim's head, who was the younger, and his left hand upon Manasseh's head, guiding his hands wittingly; for Manasseh was the firstborn. As heeyn Israel magh e laue yesh, as lhie eh eh er kione Ephraim, va'n er saa, as e laue chiare er kione Manasseh; leeideil e laueyn dy tastagh; son Manasseh va'n er shinney.
15. And he blessed Joseph, and said, God, before whom my fathers Abraham and Isaac did walk, the God which fed me all my life long unto this day, As vannee eh Joseph as dooyrt eh, Jee, kiongoyrt rishyn ren my ayraghyn Abraham as Isaac gimmeeaght, y Jee ta er m'y niartaghey ooilley earish my vea, derrey'n laa t'ayn jiu;
16. The Angel which redeemed me from all evil, bless the lads; and let my name be named on them, and the name of my fathers Abraham and Isaac; and let them grow into a multitude in the midst of the earth. Yn ainle ren mish y livrey veih dy chooilley olk, dy bannee eh ny scollagyn; as lhig m'ennym's ve orroo, as ennym m'ayraghyn Abraham as Isaac: as lhig daue bishaghey gys earrooyn dy leih, ayns mean y theihll.
17. And when Joseph saw that his father laid his right hand upon the head of Ephraim, it displeased him: and he held up his father's hand, to remove it from Ephraim's head unto Manasseh's head. As tra honnick Joseph, dy dug e ayr e laue yesh er kione Ephraim, cha by-laik lesh eh: as hrog eh seose laue e ayrey, dy scughey eh veih kione Ephraim gys kione Manasseh.
18. And Joseph said unto his father, Not so, my father: for this is the firstborn; put thy right hand upon his head. As dooyrt Joseph rish e ayr, Cha nee myr shen, m'ayr: son eh shoh yn fer shinney; cur dty laue yesh er y chione echeysyn.
19. And his father refused, and said, I know it, my son, I know it: he also shall become a people, and he also shall be great: but truly his younger brother shall be greater than he, and his seed shall become a multitude of nations. As dob e ayr, as dooyrt eh, Ta fys aym er, my vac, ta fys aym er: hig eshyn myrgeddin dy ve pobble, as bee eh myrgeddin pooaral: agh dy firrinagh bee e vraar saa ny 'spooaral na eshyn, as hig e luight dy ve earroo dy ashoonyn.
20. And he blessed them that day, saying, In thee shall Israel bless, saying, God make thee as Ephraim and as Manasseh: and he set Ephraim before Manasseh. As vannee eh ad yn laa shen, gra, Aynyd's nee Israel bannaghey, gra, Dy giall Jee dhyt dy ve myr Ephraim as Manasseh, as ren eh soiagh jeh Ephraim roish Manasseh.
21. And Israel said unto Joseph, Behold, I die: but God shall be with you, and bring you again unto the land of your fathers. As dooyrt Israel rish Joseph, Cur-my-ner, ta my vaase er-gerrey: agh bee Jee m?riuish, as ver eh lesh shiu reesht gys cheer nyn ayraghyn.
22. Moreover I have given to thee one portion above thy brethren, which I took out of the hand of the Amorite with my sword and with my bow. Ta mee myrgeddin er choyrt dhyt cooid-ronney sodjey, erskyn dty vraaraghyn, ghow mee ass laue yn Amorite lesh my chliwe, as lesh my vhow.