The Bible

1. James, a servant of God and of the Lord Jesus Christ, to the twelve tribes which are scattered abroad, greeting. Jamys sharvaant Yee as nyn Jiarn Yeesey Creest, gys y daa heeloghe jeig ta skeaylt fud y theihll, bea as slaynt.
2. My brethren, count it all joy when ye fall into divers temptations; My vraaraghyn, jeeagh-jee er myr oyr dy ard-voggey tra huittys shiu ayns caghlaaghyn dy heaghyn;
3. Knowing this, that the trying of your faith worketh patience. Toiggal shoh, dy vel prowal nyn gredjue gobbraghey meenid.
4. But let patience have her perfect work, that ye may be perfect and entire, wanting nothing. Agh cur-jee slane raad da meenid dy jannoo e obbyr hene, dy vod shiu ve slane ynrick, gyn ve ergooyl ayns nhee erbee.
5. If any of you lack wisdom, let him ask of God, that giveth to all men liberally, and upbraideth not; and it shall be given him. My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.
6. But let him ask in faith, nothing wavering. For he that wavereth is like a wave of the sea driven with the wind and tossed. Agh lhig da geearree ayns credjue, fegooish lheaystey; son t'eshyn ta lheaystey ['sy chredjue] goll-rish tonn ny marrey, immanit lesh y gheay noon as noal.
7. For let not that man think that he shall receive any thing of the Lord. Son ny lhig da'n dooinney shen smooinaghtyn dy vow eh nhee erbee veih'n Chiarn.
8. A double minded man is unstable in all his ways. Ta dooinney dy aigney ghooble neuhickyr ayns ooilley e raaidyn.
9. Let the brother of low degree rejoice in that he is exalted: Lhig da'n braar jeh stayd injil goaill boggey ayns dy vel eh er ny hroggal seose,
10. But the rich, in that he is made low: because as the flower of the grass he shall pass away. Agh y verchagh ayns dy vel eh er ny injillaghey; son myr blaa yn aiyr nee eh lheïe ersooyl.
11. For the sun is no sooner risen with a burning heat, but it withereth the grass, and the flower thereof falleth, and the grace of the fashion of it perisheth: so also shall the rich man fade away in his ways. Son cha vel y ghrian ny sleaie er nirree lesh chiass loshtee, agh t'ee fioghey yn faiyr, as ta'n blaa echey tuittym, as aalid yn chummey echey goll naardey: myr shen myrgeddin nee yn dooinney berchagh shymley ersooyl ayns e raaidyn.
12. Blessed is the man that endureth temptation: for when he is tried, he shall receive the crown of life, which the Lord hath promised to them that love him. S'maynrey yn dooinney ta gymmyrkey fo seaghyn; son tra vees eh er ny phrowal, yiow eh yn attey dy vea, ta'n Chiarn er ghialdyn dauesyn ta graihagh er.
13. Let no man say when he is tempted, I am tempted of God: for God cannot be tempted with evil, neither tempteth he any man: Ny lhig da dooinney erbee gra tra t'eh er ny violaghey, Ta mee miolit liorish Jee: son ta Jee erskyn miolagh gys olk, chamoo t'eh miolaghey dooinney erbee.
14. But every man is tempted, when he is drawn away of his own lust, and enticed. Agh ta dagh dooinney miolit, tra t'eh er ny hayrn ersooyl liorish e haynt hene, as cleaynit.
15. Then when lust hath conceived, it bringeth forth sin: and sin, when it is finished, bringeth forth death. Eisht tra ta saynt er ghientyn, t'eh gymmyrkey magh peccah: as ta peccah, tra te cooilleenit gymmyrkey magh baase.
16. Do not err, my beloved brethren. Ny bee-jee mollit, my chaarjyn ghraihagh.
17. Every good gift and every perfect gift is from above, and cometh down from the Father of lights, with whom is no variableness, neither shadow of turning. Ta dy chooilley ghioot mie, as dy chooilley ghioot firrinagh veih'n yrjey, as cheet neose veih Ayr y toilshey, marish nagh vel caghlaa erbee, ny scadoo dy hyndaa.
18. Of his own will begat he us with the word of truth, that we should be a kind of firstfruits of his creatures. Jeh e aigney hene ren eh shinyn y gheddyn, liorish goo ny firrinys, dy voddagh shin ve myr ny chied-vessyn jeh e chretooryn.
19. Wherefore, my beloved brethren, let every man be swift to hear, slow to speak, slow to wrath: Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, lhiastey dy loayrt, moal gys corree:
20. For the wrath of man worketh not the righteousness of God. Son cha vel corree dooinney gobbraghey cairys Yee.
21. Wherefore lay apart all filthiness and superfluity of naughtiness, and receive with meekness the engrafted word, which is able to save your souls. Shen-y-fa cur-jee dy lhiattee dy chooilley neu-ghlennid, as rouyr dy olkys, as gow-jee lesh meenid yn goo ta fraueit ayndiu, ta fondagh dy hauail nyn anmeenyn.
22. But be ye doers of the word, and not hearers only, deceiving your own selves. Agh bee-jee shiuish jeantee jeh'n goo, as cha nee ny-lomarcan clashtyn rish, molley shiu hene.
23. For if any be a hearer of the word, and not a doer, he is like unto a man beholding his natural face in a glass: Son my ta fer erbee ta clashtyn y goo, as gyn dy yannoo eh, t'eh casley rish dooinney cur-my-ner yn eddin dooghyssagh echey ayns gless.
24. For he beholdeth himself, and goeth his way, and straightway forgetteth what manner of man he was. Son yeeagh eh er hene, as hie eh roish, as chelleeragh yarrood eh cre'n keint dy ghooinney v'eh.
25. But whoso looketh into the perfect law of liberty, and continueth therein, he being not a forgetful hearer, but a doer of the work, this man shall be blessed in his deed. Agh quoi-erbee ta jeeaghyn dy dowin ayns leigh yn seyrsnys firrinagh, as tannaghtyn ayn; nagh vel jarrood ny t'eh dy chlashtyn, agh fer ta jannoo yn obbyr, bee'n dooinney shoh bannit ayns e yannoo.
26. If any man among you seem to be religious, and bridleth not his tongue, but deceiveth his own heart, this man's religion is vain. My ta dooinney erbee nyn mast' eu ta ayns fakin dy ve crauee, as nagh vel smaghtaghey e hengey, agh moylley yn cree echey hene, ta craueeaght yn dooinney shoh fardail.
27. Pure religion and undefiled before God and the Father is this, To visit the fatherless and widows in their affliction, and to keep himself unspotted from the world. Craueeaght firrinagh as glen kiongoyrt rish Jee, dy jarroo yn Ayr, shoh eh, Dy ghoaill kiarail jeh cloan gyn ayr as mraane-treoghe ayns nyn seaghyn, as dy reayll eh hene glen veih broïd y theihll.