The Bible

1. Paul, a prisoner of Jesus Christ, and Timothy our brother, unto Philemon our dearly beloved, and fellowlabourer, Paul pryssoonagh Yeesey Creest, as Timothy nyn mraar, gys Philemon nyn mraar graihagh, as sheshey shirveishagh [ayns y sushtal,]
2. And to our beloved Apphia, and Archippus our fellowsoldier, and to the church in thy house: As gys nyn gaarjyn ennoil Apphia, as Archippus nyn sheshey-sidoor, as gys y cheshaght-chreestee ta ayns dty hie:
3. Grace to you, and peace, from God our Father and the Lord Jesus Christ. Grayse dy row hiu, as shee voish Jee nyn Ayr, as y Chiarn Yeesey Creest.
4. I thank my God, making mention of thee always in my prayers, Ta mee coyrt booise da my Yee, dy kinjagh gimraa ort ayns my phadjeryn.
5. Hearing of thy love and faith, which thou hast toward the Lord Jesus, and toward all saints; Lurg clashtyn ve aym jeh dty chredjue ayns y Chiarn Yeesey, as jeh dty ghraih da ooilley ny nooghyn;
6. That the communication of thy faith may become effectual by the acknowledging of every good thing which is in you in Christ Jesus. Dy vod yn ayrn t'ayd's mârin 'sy chredjue cadjin ve breeoil, gys goaill-rish dy chooilley nhee mie, ta nyn mast'eu ayns Creest Yeesey.
7. For we have great joy and consolation in thy love, because the bowels of the saints are refreshed by thee, brother. Son ta boggey as gerjagh mooar ain ayns dty ghraih, er-yn-oyr dy vel yeearreeyn ny nooghyn femoil er nyn ooraghey liort's, vraar.
8. Wherefore, though I might be much bold in Christ to enjoin thee that which is convenient, Ga dy voddin er-y-fa shen goaill y daanys shen orrym ayns Creest, dy dty harey gys shen ta cooie dy ve jeant;
9. Yet for love's sake I rather beseech thee, being such an one as Paul the aged, and now also a prisoner of Jesus Christ. Ny-yeih er graih ainjys [creestee] ta mee goaill myr reih dy yannoo aghin hood's, mish Paul ta my henn ghooinney, as nish myrgeddin pryssoonagh Yeesey Creest.
10. I beseech thee for my son Onesimus, whom I have begotten in my bonds: Ta mee jannoo aghin hood ayns lieh my vac Onesimus, ta mee er gheddyn ayns y chredjue tra va mee ayns my gheulaghyn:
11. Which in time past was to thee unprofitable, but now profitable to thee and to me: Va ayns traa dy row neu-vondeishagh dhyt's, agh nish vondeishagh dhyt's as dooys:
12. Whom I have sent again: thou therefore receive him, that is, mine own bowels: Eshyn ta mee er choyrt hoods reesht: gow uss rishyn er-y-fa shen myr rish my chree hene.
13. Whom I would have retained with me, that in thy stead he might have ministered unto me in the bonds of the gospel: Eshyn veign er reayll mârym, ayns yn ynnyd ayd's dy voddagh eh ve shirveishagh dou ayns geulaghyn y tushtal.
14. But without thy mind would I do nothing; that thy benefit should not be as it were of necessity, but willingly. Agh noi dt'aigney cha jinnin nhee erbee: nagh beagh dty aigney-mie myr eginit, agh dy arryltagh.
15. For perhaps he therefore departed for a season, that thou shouldest receive him for ever; Son foddee dy daag eh oo son traa giare, dy voddagh oo eh y reayll mayrt choud as s'bio eh;
16. Not now as a servant, but above a servant, a brother beloved, specially to me, but how much more unto thee, both in the flesh, and in the Lord? Cha nee nish my, sharvaant, agh erskyn sharvaant, braar ennoil, dooys er-heh agh foddey smoo dhyt's, chammah ayns yn eill as ayns y Chiarn?
17. If thou count me therefore a partner, receive him as myself. My t'ou er-y-fa shen jeeaghyn orrym myr sheshey-creestee, gow rishyn myr rhym pene.
18. If he hath wronged thee, or oweth thee ought, put that on mine account; My t'eh er n'yannoo aggair dhyt, ny my t'eh lhiastyn veg dhyt, cur shen gys y choontey aym's.
19. I Paul have written it with mine own hand, I will repay it: albeit I do not say to thee how thou owest unto me even thine own self besides. Ta mish Paul er scrieu eh fo my laue hene, cooilleen-yms eh: gyn dy insh dhyt dy vel uss cheu-mooie jeh shoh lhiastyn dooys eer oo hene.
20. Yea, brother, let me have joy of thee in the Lord: refresh my bowels in the Lord. Dy jarroo, guee-ym ort, vraar, lhig da boggey ve aym jeed ayns y Chiarn: jean mian my chree y ooraghey ayns y Chiarn.
21. Having confidence in thy obedience I wrote unto thee, knowing that thou wilt also do more than I say. Ayns slane treishteil jeh dty viallys, ta mee er scrieu hood, as s'mie ta fys aym dy jean uss eer ny smoo na ta mee shirrey.
22. But withal prepare me also a lodging: for I trust that through your prayers I shall be given unto you. Agh marish shoh kiare aaght er my hon: son ta mee treishteil liorish ny padjeryn eu, trooid foayr Yee, dy jig-ym hiu reesht.
23. There salute thee Epaphras, my fellowprisoner in Christ Jesus; Ta dy dty vannaghey Epaphras, my cho-phryssoonagh ayns Creest Yeesey;
24. Marcus, Aristarchus, Demas, Lucas, my fellowlabourers. Marcus, Aristarchus, Demas, Lucas, my cho-labreeyn.
25. The grace of our Lord Jesus Christ be with your spirit. Amen. Dy row grayse nyn Jiarn Yeesey Creest marish nyn spyrryd. Amen.