The Bible

1. Paul, an apostle of Jesus Christ by the will of God, to the saints which are at Ephesus, and to the faithful in Christ Jesus: Paul ny ostyl dy Yeesey Creest, liorish aigney Yee, gys ny nooghyn t'ayns Ephesus, as hucsyn ta credjal ayns Creest Yeesey:
2. Grace be to you, and peace, from God our Father, and from the Lord Jesus Christ. Grayse dy row hiu, as shee veih Jee nyn Ayr, as veih'n Chiarn Yeesey Creest.
3. Blessed be the God and Father of our Lord Jesus Christ, who hath blessed us with all spiritual blessings in heavenly places in Christ: Bannit dy row Jee as Ayr nyn Jiarn Yeesey Creest, t'er vannaghey shin lesh dy chooilley vannaght spyrrydoil ayns nheeghyn flaunyssagh ayns Creest:
4. According as he hath chosen us in him before the foundation of the world, that we should be holy and without blame before him in love: Cordail myr t'eh er reih shinyn aynsyn, roish my va'n seihll er ny chroo, dy beagh shin casherick as gyn loght kiongoyrt rishyn ayns graih:
5. Having predestinated us unto the adoption of children by Jesus Christ to himself, according to the good pleasure of his will, T'er chiarail shin gys doltanys cloan liorish Yeesey Creest da hene, cordail rish taitnys e aigney-mie hene,
6. To the praise of the glory of his grace, wherein he hath made us accepted in the beloved. Gys moylley gloyr e ghrayse, liorish t'eh er n yannoo soiagh j'in ayns e er-graihagh:
7. In whom we have redemption through his blood, the forgiveness of sins, according to the riches of his grace; Aynsyn ta feaysley ain trooid e uill, leih peccaghyn, cordail rish berchys e ghrayse;
8. Wherein he hath abounded toward us in all wisdom and prudence; T'eh er lhieeney orrin dy palchey ayns dy chooilley chreenaght as tushtey
9. Having made known unto us the mystery of his will, according to his good pleasure which he hath purposed in himself: As er hoilshaghey dooin folliaght e aigney hene, cordail rish e haitnys mie, ren eh 'chiarail ayn hene:
10. That in the dispensation of the fulness of times he might gather together in one all things in Christ, both which are in heaven, and which are on earth; even in him: Ayns coorse slane towse ny hearishyn dy voddagh eh chaglym cooidjagh ayns unnane dy chooilley nhee ayns Creest, chammah ny t'ayns niau as er y thalloo, dy jarroo aynsyn:
11. In whom also we have obtained an inheritance, being predestinated according to the purpose of him who worketh all things after the counsel of his own will: Ayn myrgeddin ta shin er gheddyn eiraght, myr va shin pointit ro-laue cordail rish y chiarail echeysyn ta gobbraghey dy chooilley nhee lurg coyrle e aigney hene:
12. That we should be to the praise of his glory, who first trusted in Christ. Dy beagh shinyn, ren hoshiaght treishteil ayns Creest, gys moylley e ghloyr.
13. In whom ye also trusted, after that ye heard the word of truth, the gospel of your salvation: in whom also after that ye believed, ye were sealed with that holy Spirit of promise, Aynsyn ren shiuish myrgeddin treishteil, lurg diu v'er chlashtyn goo yn irriney, sushtal y taualtys eu: aynsyn myrgeddin erreish diu v'er chredjal, va shiu er nyn gowraghey lesh y Spyrryd casherick shen dy ghialdynys,
14. Which is the earnest of our inheritance until the redemption of the purchased possession, unto the praise of his glory. Ta eearlys yn eiraght ain, derrey va price yn chionniaght eeckit, gys moylley e ghloyr.
15. Wherefore I also, after I heard of your faith in the Lord Jesus, and love unto all the saints, Shen-y-fa, erreish dou v'er chlashtyn jeh'n chredjue euish ayns y Chiarn Yeesey, as y ghraih eu gys ooilley ny nooghyn,
16. Cease not to give thanks for you, making mention of you in my prayers; Cha vel mee scuirr dy chur booise er nyn son, jannoo imraa j'iu ayns my phadjeryn;
17. That the God of our Lord Jesus Christ, the Father of glory, may give unto you the spirit of wisdom and revelation in the knowledge of him: Dy jean Jee nyn Jiarn Yeesey Creest, Ayr ny ghloyr, cur diuish yn Spyrryd dy chreenaght as dy hoilshey flaunyssagh, dy choyrt enney er:
18. The eyes of your understanding being enlightened; that ye may know what is the hope of his calling, and what the riches of the glory of his inheritance in the saints, Liorish sooillyn nyn dushtey v'er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,
19. And what is the exceeding greatness of his power to us-ward who believe, according to the working of his mighty power, As cre ta mooads erskyn towse e phooar dooinyn ta credjal, cordail rish bree e phooar niartal
20. Which he wrought in Christ, when he raised him from the dead, and set him at his own right hand in the heavenly places, Ren eh gobbraghey ayns Creest, tra hrog eh eh veih ny merriu, as hoie eh eh ec e laue yesh hene ayns ny ynnydyn flaunyssagh,
21. Far above all principality, and power, and might, and dominion, and every name that is named, not only in this world, but also in that which is to come: Foddey erskyn dy chooilley ard-ooashley, as pooar, as niart, as reill, as dy chooilley ennym ta enmyssit, cha nee ynrycan 'sy theihll shoh, agh myrgeddin ayns shen ta ry-heet:
22. And hath put all things under his feet, and gave him to be the head over all things to the church, As ta er choyrt dy chooilley nhee fo e chassyn, as hug eh eh dy ve kione harrish dy chooilley nhee da'n agglish,
23. Which is his body, the fulness of him that filleth all in all. Ta shen yn corp echey, ta dy slane jeant magh liorishyn ta lhieeney ooilley ayns ooilley.